Қырҭтәыла ахада Саломе Зурабишвили, Париж лвизит аҳәаақәа ирҭагӡаны, Франциатәи ареспублика ахада Еммануел Макрон диҧылеит.

Қырҭтәылеи Франциеи рхадацәа атәылақәа рыбжьара ҩ-ганктәи аполитикатәи аекономикатәи еизыҟазаашьақәа рактивизациеи рырҿиареи, арегион аҿы имҩаҧысуа апроцессқәеи, арегион аҿы Евроеидгыла инанагӡо ароли, амшын еиқәа шәарҭадареи иалацәажәеит.

Иара убас, Қырҭтәылеи Франциеи рхадацәа  «Дмитри Амилахвари ихьӡ зху афранцыз-ақырҭуа диалог» аиҭашьақәыргыларагьы иалацәажәеит. Ҩ-тәылак рхадацәа ари адокумент рыбжьарҵеит Париж, 2019 шықәса жәабран азы. Адокумент аанарҧшуеит  Қырҭтәылеи Франциеи рыбжьара ҩ-ганктәи аизыҟазаашьақәа аспектқәеи аусеицура ахаҭабзиареи аинтенсивреи.

«Қырҭтәыла ахада Еммануел Макрон изеиҭалҳәеит  Қырҭтәыла импыҵахалоу аҵакырадгьылқәа рҿы агуманитартә ҭагылазаашьа цәгьеи, ауаҩытәыҩса изинқәа реилагареи, ауаа рымҵарсреи иазкны», — иануп атәыла ахада лпресс-маҵзура аинформациаҿы.

Апресс-маҵзура адырра ала, аганқәа рхаҭарнакцәа Франциаҟа ақырҭуа емиграциа  инаркны  100 шықәса аҵра азгәаҭара азҵаарагьы иазааҭгылеит.

Thank you for a very warm meeting @EmmanuelMacron. Always a pleasure to meet and talk about what we can do to make the Georgia-France relations deeper and stronger. pic.twitter.com/ZEyI6sqRbD

— Salome Zourabichvili (@Zourabichvili_S) July 1, 2021