«Қырҭтәыла апарламент ахаҭарнакцәеи ҳареи ҳаиҧылара аинтерес ду аҵан, аиҩызаратә ҟазшьа аман. Қырҭтәыла аҩныҵҟа аполитикатәи аекономикатәи ҭагылазаашьа иаҳа еиҕьны еилаҳкааратәы алшара ҳаман», — иҳәеит  Румынтәыла апарламент адәныҟатәи аусқәа рзы акомитет ахантәаҩы ихаҭыҧуаҩ Иоан Михалке Леван Махашвилии Николоз Самхараӡеи данырҧыла ашьҭахь.

Иара иажәақәа рыла, ари аиҧылараҿы Румынтәыла ахаҭарнакцәа даҽазнык ишьақәдырҕәҕәеит Евроеидгылахь Қырҭтәыла аинтеграциа ишадгыло.

«Румынтәыла ҳгәы ишаанаго ала, 2030 шықәса анҵәамҭанӡа Евроеидгылашҟа Қырҭтәыла алалара ареалтә перспективоуп. Ҳәарада,  адипломатиаҿы хәышықәса  — рацәам.  Арегионалтәи жәларбжьаратәи аренаҿ аҭагылазаашьа бзиахар, уи ареалтә аҿҳәароуп ҳәа сгәы иаанагоит», — иҳәеит  Румынтәыла апарламент адәныҟатәи аусқәа рзы акомитет ахантәаҩы ихаҭыҧуаҩ.