Урыстәыла Очамчыра ақалақьаҿ арра-амшынтә мчқәа еснагьтәи рыргыларҭатә пункт ҿыц аҧҵара Севастополь альтернатива аԥшаара иаҿуп ҳәа иаанагар ҟалап, – иануп “Роитер” аинформациа аҿы. Мраҭашәаратәи акьыԥхь аҿы ишазгәаҭоуп, Қырҭтәыла, Аԥсны арегион аҟны аррат база аԥҵарала, Урыстәыла Амшын Еиқәа аҟәараҿы Ҭырқәтәыла ахырхарҭала арратә аҟазаара арҭбаара иаҿуп.

Аннексиа аҵаҟа иҟоу Ҟрымтәи адгьылбжьаха, Савестополь игылоу урыстәылатәи афлот 2022 шықәса иалагаз аибашьра ашьҭахь изныкымкәа украинатәи ажәылара аҵаҟа иҟан.

Очамчыра ақалақьаҿ арра-амшынтә мчқәа еснагьтәи рыргыларҭатә пункт ҿыц аҧҵара иазку азҵаара ажурналистцәа Урыстәыла ахада ипресспикер, Дмитри Песков изықәдыргылеит, аха Песков иажәақәа рыла, ари азҵааразы аҭак аҟаҵара Атәылахьчара аминистрра иаусуп.

Аларҵәара зауз адыррақәа рыла, Ҟрымтәи адгьылбжьаха, Савестополь иҟоу ихадароу абазантә Урыстәыла аӷбақәа ианагеит.