Қырҭтәыла Аҳәынҭқарратә шәарҭадара амаҵзура атәыла еиуеиҧшым арегионқәа рҿы имҩаҧнагаз аусмҩаҧгатәқәа раан, 13 еиуеиҧшым ашьауҕатә усқәа рзы  29ҩык аанкылоуп, дара ашьауҕатә ҭакҧхықәра рыдуп. Абрифинг аҿы ари атәы ааицҳаит Аҳәынҭқарратә әшарҭадара амаҵзура аиҳабы актәи ихаҭыҧуаҩ Лаша Маҕраӡе.

Иара иажәақәа рыла,   «абжьаратә аҩаӡара акоррупциа уажәгьы проблемас иҟоуп».

«Қәҭешь иаанкылоу ҩыџьа атәымуаа аиадертәи арадиоактивтәи маҭәашьарқәа раахәара аҽазкра рхарарҵоит. Дара закәандарала аиадертә маҭәахәқәа — урани  цези-137-и з миллион адоллар ҳәа иаахәаны, даҽа ҳәынҭқаррак ахь ииаргар акәын. Ари аплан анагӡаразы аҵыхәтәантәи аамҭазы изныкымкәа Қырҭтәылаҟа иаахьан. Ишыжәдыруа еиҧш, зыӡбахәы ҳәоу амаҭәашьарқәа ацәгьауратә мзызқәа рзы рхы иадырхәоит, атерроризмгьы уахь иналаҵаны.

Аамҭакала, антикоррупциатә усмҩаҧгатәқәа ирылҵшәаны, закәандарала амҿы аҧҟареи амаҵзураҭыҧ цәгьашақә ахарәхареи азыҳәан 12ҩык аанкылоуп.

Убри адагьы, Баҭыми Лагодехии аҵыртыша агара афакт азы ҩыџьа аанкылоуп.

Хәҩык аанкылоуп аргыларатә коеффициент закәандарала аизырҳареи хаҧызарала аргылареи азы», — иҳәеит  Лаша Маҕраӡе.