«Ҳусеицура шьаҭас иамоу астратегиа инақәыршәаны, агеополитикатә ҭагылазаашьа шыуадаҩугьы, зҵакы дуу азҵаарақәа хшыҩзышьҭра рзутәуп, ҳара ҳаидгылазаауеит, наҟ-наҟ ҳусеицура иаҳа иҳарҭбаауеит», – иҳәеит Шәамахьтәыла аҧыза-министр Никол Ҧашиниан Қырҭтәылеи Шәамахьтәылеи рыбжьара аекономикатә усеицура иазку Аиҳабырабжьаратә комиссиа  аилатәараҿы.

Ҧашиниан иаҵшьны иазгәеиҭеит Қырҭтәылаҟны зыҩаӡара ҳараку аизыҟазаашьақәа иаҳа рырҕәҕәара дшақәгәыҕуа.

«Шәамахьтәылеи Қырҭтәылеи арегионалтә аҿиараҿы ароль ду нарыгӡоит. Аҭынчратә проект ахырҳагара ду ҳзаанагар алшоит, ари апроект апотенциал ду амоуп.  2024 шықәсазы аглобалтәи арегионалтәи проблемақәа рацәан, аха, уезгьы, Қырҭтәылеи Шәамахьтәылеи  ииашоу аӡбарақәа рыдкылара рылшеит.

Ҳусеицура шьаҭас иамоу астратегиа инақәыршәаны, агеополитикатә ҭагылазаашьа шыуадаҩугьы, зҵакы дуу азҵаарақәа хшыҩзышьҭра рзутәуп, ҳара ҳаидгылазаауеит, наҟ-наҟ ҳусеицура иаҳа иҳарҭбаауеит.

Ҳаҭыр зқәу аҧыза-министр, аколлегацәа, гәахәарала шәҳадаҳкылоит. Ҩ-ганктәи аинициативақәа қәҿиарала рынагӡара шәзеиҕьасшьоит, ҳаҧхьаҟа зыҩаӡара ҳараку аизыҟазаашьақәа рыхьчареи ари ахырхарҭа иаҳа арҿиареи ҳалшап ҳәа ҳгәыҕуеит», – иҳәеит  Никол Ҧашиниан.