47 шықәса раԥхьа, Русҭавели имҩаду аҿы зықьҩыла ауаа рыԥсҭазаара изҭагылаз ашәарҭа иахәамԥшыкәа, ақырҭуа бызшәа рыхьчарц азы еизеит, – иҩит  асоциалтә ҳаҿы Қырҭтәыла ахада Михаил Ҟавелашвили.

“Ҳабацәа шәышықәсала гәык-ԥсык ала ирыхьчоз ақырҭуа бызшәа ҳажәлар рхатәҟазшьара, ридентра аанарԥшуеит, аҳәынҭқарра ихадароу ашьаҭа ауп.

1978 шықәсазы мшаԥы 14 рзы иҟалаз ахҭысқәа ари еилыкка иаҳдырбоит. 47 шықәса раԥхьа, Русҭавели имҩаду аҿы зықьҩыла ауаа рыԥсҭазаара иҭагылаз ашәарҭа иахәамԥшыкәа, ақырҭуа бызшәа рыхьчарц азы еизеит – ари акыр зҵазкуа ҭоурыхтә хҭысуп, аҿар Асовет Еидгыла анапхгара ақырҭуа бызшәа аҳәынҭқарратә бызшәа астатус амхра иазкны ирыдыркылаз аӡбара иаҿагылеит.

Амилаҭтә интересқәа зыхьчоз ақырҭуа жәлар ари риааира ақырҭуа бызшәа аконституциатә статус аиқәырхара мацара акәымкәа, амилаҭтә ҵысра ашьаҭаркразы идуӡӡоу импульсхеит. Ари апрецедент змамыз атәылауаҩратә фырхаҵаратә акт алахәылацәа зегьы ҭабуп ҳәа раҳҳәоит.

Ҳџьынџьуаа рхамеигӡарала еиқәхаз ҳхатәы бызшәа ахылаԥшра, ҳабдуцәа ирзынрыжьыз аҭынха ахьчара ахылаԥшра, уи ала ҳҳәынҭқарра арӷәӷәара“, – ҳәа иҩит Михаил Ҟавелашвили.