«Адунеиаҿ иҟалаз аҵыхәтәантәи ахҭысқәа  ақырҭуа жәлар иакымкәа азҵаарақәа рзы аҭак рырҭеит. Есымша иаҳа-иаҳа иубарҭоуп адәныҟатәи амчқәа рҟынтә аҧара зауа, Қырҭтәыла амилаҭтә интересқәа ирҿагыло  аполитикатә гәыҧқәа хықәкыс ирымоу», — иҳәеит апарламенттә аиҳара алидери апартиа  «Ақырҭуа гәахәтәы» анагӡаратә маӡаныҟәгаҩи Мамука Мдинараӡе иахьатәи абрифинг аҿы.

Иара ишиҳәаз ала, ажәлар апарламенттә аусеилыргаратә комиссиа аилатәарақәа хшыҩзышьҭрала ирыцклаҧшуеит, раҧхьатәи аилатәарақәа рышьҭахьгьы лабҿаба иубарҭахеит ҧаса ацәгьоура ӷәӷәақәа ҟазҵоз ауааи  урҭ рыцхырааҩцәеи, атәыла иаҿагыланы еицырзеиԥшу аӷаратә хықәкы змоу аполитикатә партиақәеи аполитика аҟынтәи ишықәгатәу.

Аусеилыргаратә комиссиа аихшьаала  ашьаҭала,  «Амилаҭтә ҵысреи» уи асателитқәеи Аконституциа ишаҿагыло азхаҵаразы Аконституциатә аӡбара ҳадҵаалар ҳалшоит», — иҳәеит Мамука Мдинараӡе.