Лугансктәи аокруг администарциа анапхгаҩы ишааицҳаз, Северодонецк аҟны аҭагылазаашьа цәгьахеит.

Сергеи Гаидаи иажәақәа рыла, Лугансктәи аокруг аҿы аҭагылазаашьа цәгьоуп, аха Северодонецк ахьчаҩцәа рҭагылазаашьа даараӡа цәгьахеит.

“Ақәԥарақәа нагӡоит. Ҳахьчаҩцәа аконтржәылара амҩаԥгара рылшеит, урҭ ақалақь абжа ахақәиҭтәра рылшеит, аха уажәы аҭагылазаагьа цәгьахеит. Северодонецки Лисичански рҿы аинтенсивтә бомбақәыжьрақәа нагӡоит”, – иҳәеит Гаидаи.

Лугансктәи аокруг администарциа анапхгаҩы ишазгәеиҭаз, Луганскитәи аокруг аҿы ақалақьқәа рацәаны уажәы Мариуполь еиԥшуп. Ақалақь  Шьастиа 90% еилаҳауп, Попаснаиа – 80%.

“Уажәы Северодонецки Лисичански рхырхарҭала ажәыларақәа мҩаԥыргоит. Ҭыԥкгьы аанрыжьуам – анхарҭа ҩнқәа, акорпусқәа, агуманитартә центрқәа – зегьы еилаҳауп. Агуманитартә штаб ахьҳамаз акорпус 30-нтә иреихсит”, – иҳәеит Гаидаи.