Қырҭтәыла аиҳабыра Евроеидгылахь зхы рхоу амҩаҿы аконкреттә шьаҿа рыдаагалоит  – атәылауаҩратә уаажәларреи амедиеи ирҧырхагоу атәым анырра иазку азакәани, иара убас,  аҭаацәаратә принципқәеи ирызку азакәани  раҧыхра, избанзар, Евроеидгыла аҭаацәараҿы адискриминациа иҟамзароуп, – иҳәеит Евроеидгыла иреиҳаӡоу ахаҭарнак Џьозеф Боррель.

Боррель иҳәамҭала, уи Қырҭтәыла аиҳабыра рҟынтә аконкреттә ҧхықәрақәа рынагӡара раҧхьатәи адырга акәхоит.

Иара убас, Боррель жьҭаара  26 рзы Қырҭтәыла имҩаҧгаз апарламенттә алхрақәа дрылацәажәеит.

„Қырҭтәыла апарламенттә алхрақәа мҩаҧган, акрызҵазкәа аилагарақәа иҟан. Арҭ аилагарақәа иаартны еилыргазароуп. Сара арҭ аилагарақәа зегьы хаз-хазы срылацәажәом, аха, урҭ рацәоуп.  Ихьыҧшым анаҧшцәа ирымҳәеит арҭ алхрақәа зхы иақәиҭу алагылазаараҿы ииашаны имҩаҧган ҳәа. Дара зынӡаскгьы даҽакоуп ирҳәаз. Убри аҟынтә, иҟалаз еилаҳкаарц азыҳәан, хымҧада аусеилыргара мҩаҧгатәуп. Ҳара еилаҳкаароуп арҭ афактқәа алхрақәа рыҵшәақәа рзы изакәытә анырроу ирымаз.

Ҳара ҳаҳасабырбаҿы алахәызаара аиҭалагаразы амҩа аарҧшуп. Қырҭтәыла анапхгара  рҟынтә аполитикатә ҭаххара ҟалар.  Қырҭтәыла аиҳабыра Евроеидгылахь зхы рхоу амҩаҿы аконкреттә шьаҿа рыдаагалоит  – атәылауаҩратә уаажәларреи амедиеи ирҧырхагоу атәым анырра иазку азакәани, иара убас,  аҭаацәаратә принципқәеи ирызку азакәани  раҧыхра, избанзар, Евроеидгыла аҭаацәараҿы адискриминациа иҟамзароуп.  Уи Қырҭтәыла аиҳабыра рҟынтә аконкреттә ҧхықәрақәа рынагӡара раҧхьатәи адырга акәхоит. Анеҩстәи амшқәа рзы иҟало ахҭысқәа ҳрыцклаҧшуеит, алхрақәа раан иаарҧшыз аилагарақәа хымҧада иҭҵаатәуп“, – иҳәеит Џьозеф Боррель.