«Арадикалтә оппозициа авизадатә режим аанкылара иазҿлымҳауп, избанзар, усҟан, рреволиуциатә хықәкқәа рынагӡараҿы ирыцхрааша апроцессқәа иалагоит ҳәа ргәы иаанагоит», — иҳәеит аҭыҧантәи ахаланапхгара азҵаарақәа рзы апарламенттә комитет ахантәаҩы  Иракли  Қадагишвили Қырҭтәыла Актәи аканал аинтервиу анеиҭоз.

Қадагишвили иҳәамҭала, аоппозициаа рриторика хықәкык ауп иамоу  – ауаа иаҳа еиҕьу ак рыдгалара акәымкәа, атәылаҿ аҭагылазаашьа арцәгьароуп изызҿлымҳау.

«Мраҭашәаратә партниорцәа дара ирыдгылон, ирыцхраауан. Атәылаҿ аҭагылазаашьа арцәгьареи асанкциақәеи рымшала ауаа аиҳабыра ирҿагылоит ҳәа ргәы иаанагон.   Арадикалтә оппозициа авизадатә режим аанкылара иазҿлымҳауп, избанзар, усҟан, рреволиуциатә хықәкқәа рынагӡараҿы ирыцхрааша апроцессқәа иалагоит ҳәа ргәы иаанагоит. Европа цқьа иазхәыцроуп: дара аполитикатә интересқәа шрымоу еилаҳкаауеит, аха, акыраамҭалатәи астратегиагьы иҟоуп.  Знымзар зны Урыстәылеи Украинеи реибашьра хыркәшахоит, Қырҭтәылеи Европеи аҧсҭазаара нарыгӡоит, аха, ҳаизыҟазаашьақәа рҿы Европа ашьҭас иааннажьуеи? Қырҭтәыла гәыкала иазныҟәома? Ус акәзар, авизадатә режим ааныркылом, избанзар, уи азы азинтә ашьаҭа иҟам, аха, аполитикатә егоизми ареваншизми иаҳа иҕәҕәахар, иҟало сызшәаҳәом», — иҳәеит  Қадагишвили.