Ахаланапхгара азҵаарақәа рзы апарламенттә комитет ахантәаҩы Иракли Ҟадагиӡе иҳәамҭала, Евроеидгыла Қырҭтәыла ахьырхәра рҽазыркит.

Иара иажәақәа рыла, ареволиуциатә сценариақәа раҧыхразы аҳәынҭқарра аҭакҧхықәра адҵара ҟалом.

«2024 шықәсазы алхрақәа рҿы ианаҵаха ашьҭахь, Қырҭтәыла ахьырхәра рҽазыркит. Авизалиберализациа шҳарҭаз шәгәалашәома? — Дара уаҳа ҧсыхәа рымамызт. Усҟан ишырҳәаз ала, ари астатус ҳанаршьеит Қырҭтәыла аиҳабыра рықәҿиарақәа рыбзоурала, избанзар, ареформақәа мҩаҧган,  анеҩс, астатус Қырҭтәыла аиҳабыра ракәымкәа, ақырҭуа жәлар  ираҳҭоит ҳәа рҳәеит. Нас, шәааи ҳахәаҧшып, уажәы ақырҭуа жәлар авизадатә режим шрымырхуа. Уи ҳара иҳхарахом, Избан? — Избанзар,  ареволиуциатә сценариақәа раҧыхразы аҳәынҭқарра аҭакҧхықәра адҵара ҟалом.

Уи аҭакҧхықәра акәӡам, уи аҳәынҭқарра аҧхықәроуп», — иҳәеит Қадагишвили.

Иара убас, иара ишиҳәаз ала, ақырҭуа жәлар Қырҭтәыла адемократиа абас ажәыларазы дара рҟынтә аҭак иаҳәоит.

«Дара Қырҭтәылаҿ ирҭаху зегьы ҟарҵар рылшоит ҳәа ргәы иаанагоит.  Авизалиберализациа иаанагои? —  90 мшы рыла аҳәаанырцәҟа ацаразы агәаран ақәгылара уҭаххом.  Абри аума ҿҧныҳәас иҳарҭо? Абри аума ақырҭуа жәлар ҿҧныҳәас ирырҭо? Зхы иамеигӡакәа Евроеидгылеи НАТОи ирзықәҧоз ақырҭуа жәлар ҿҧныҳәас ирырҭоит Урыстәыла шәаҿагыланы асанкциақәа зышьақәышәмыргылеи ҳәа.  Ҳара ҳзыхьчода? —  НАТО аҿы иреиҕьыз аконтингент ҳаман, аха дара изакәызаалак бџьарк ҳарымҭеит.

Авизалиберализациа ацынхәрас аибашьра ҳҽалаагалоит ҳәа ргәы иаанагоит. Шәымшәан, авизалиберализациа ҳамхра рцәыуадаҩхоит, избанзар, авизалиберализациа ақырҭуа жәлар ирырҭеит, дара уи аҟаҵара ргәы иҭам, ирзыҟаҵом, избанзар, ҳара ҳиашоуп. Қырҭтәыла ииашоуп», — иҳәеит  Иракли Қадагишвили.