«Қырҭтәыла Аахыҵ Кавказаҿ аҭышәынтәалареи ҭынч аицынхареи ҕәҕәала иадгылоит. Шәамахьтәылеи Азербаиџьани рыбжьара аҭынчратә аиқәшаҳаҭра иазку апроцессаҿ адинамика бзиа нагӡахап ҳәа сгәыҕуеит, иара убас, агәыҕра ду сымоуп ари апроцесс иашьашәалоу аиқәшаҳаҭра адкыларала ихыркәшахап ҳәа», — иҳәеит Қырҭтәыла аҧыза-министр Иракли Кобахиӡе  Шәамахьтәыла аҧыза-министр Никол Ҧашиниани иареи еицымҩаҧыргаз абрифинг аҿы.

Кобахиӡе иажәақәа рыла, аиҧылараҿы даҽазнык иаҵшьны иазгәаҭан Қырҭтәыла  арегионаҿ аҭынчра аиқәыршәара иазку апроцессқәа рҿы иҵоуроу ароль анагӡара ишазыхиоу.

«Арегионаҿ имҩаҧысуа апроцессқәа инарҭбааны ҳрылацәажәеит, ҳрегионаҿ иҟоу апроблемақәа рҭыҧқәҵаразы иаҳзеиҧшу аҽазышәарақәа ҵакыс ирымоу азгәаҳҭеит. Қырҭтәыла Аахыҵ Кавказаҿ аҭышәынтәалареи ҭынч аицынхареи ҕәҕәала иадгылоит. Шәамахьтәылеи Азербаиџьани рыбжьара аҭынчратә аиқәшаҳаҭра иазку апроцессаҿ адинамика бзиа нагӡахап ҳәа сгәыҕуеит, иара убас, агәыҕра ду сымоуп ари апроцесс иашьашәалоу аиқәшаҳаҭра адкыларала ихыркәшахап ҳәа.  Қырҭтәыла  ҳрегионаҿ аҭынчра аиқәыршәара иазку апроцессқәа рҿы иҵоуроу ароль анагӡара иазыхиоуп», — иҳәеит Иракли Кобахиӡе.