«Адеполиаризациа аиқәыршәара амзызла, апарламенттә партиақәеи атәылауаҩратә уаажәларреи ахаҭарнакцәеи, жәларбжьаратәи партниорцәеи рылахәызаарала еиҿкаахоит аполиаризациа амониторинг агәыҧ. Агәыҧ алахәылацәа еиҧҟьарада амониторинг мҩаҧганы, есымчыбжьы ажәлар ирызцәырыргоит аполиаризациа аганахьала атәылаҿы аҭагылазаашьа иазку аҳасабрба», — иҳәеит апартиа  «Ақырҭуа гәахәтәы» ахантәаҩы  Иракли Кобахиӡе.

Иара ишазгәеиҭаз ала, Қырҭтәыла Евроеидгыла алаларазы акандидат астатус анашьара амзызла, Евроеидгыла атәыла иазышьақәнаргылеит хымҧада инагӡатәу 12 пунктқәа.

«Арҭ апунктқәа рҟынтә актәи аҭыҧаҿы игылоуп аполитикатә полиаризациа аиҵатәра. Ари апункт ахадаратә ҵакы амоуп  егьырҭ 11 пунктқәа рынагӡаразы.

Аполитикатә полиаризациа  – ҳтәылаҿы иҟоу ахадаратә проблемақәа иреиуп, уи амшала, атәылазы зегьы реиҳа зҵакы дуу азҵаарақәа рзы адискуссиа амҩаҧгара ацынхәрас, еиуеиҧшым аполитикатә субиектқәа рхатә интересқәа ирыдҳәалоу азҵаарақәа ҳрылацәажәоит. Абри аҭагылазаашьа аҧсахразы, арадикалтә политикатә мчқәа рыбжьара аиҿагылара аиҵатәреи агрессиатә риториказы аморатори рылаҳәареи аҭахуп.

Адеполиаризациа аиқәыршәара амзызла, апарламенттә партиақәеи атәылауаҩратә уаажәларреи ахаҭарнакцәеи, жәларбжьаратәи партниорцәеи рылахәызаарала еиҿкаахоит аполиаризациа амониторинг агәыҧ. Агәыҧ алахәылацәа еиҧҟьарада амониторинг мҩаҧганы, есымчыбжьы ажәлар ирызцәырыргоит аполиаризациа аганахьала атәылаҿы аҭагылазаашьа иазку аҳасабрба.

Аусуратә гәыҧ аилазаареи аформати шьақәыргылахоит апарламенттә политикатә партиақәа рҟны аконсультациақәа рышьҭахь», — иҳәеит  Кобахиӡе.