Қырҭтәыла аҧыза-министр Иракли Ҕарибашвили, ЕАР Ассамблеиа Хада аҳәаақәа ирҭагӡаны,  адунеи алидерцәа раҳаҭыр аҟынтә Америка ахада Џьо Баидени иҧҳәыс Џьилл Баидени рыхьӡала имҩаҧгаз адкылара ихы алаирхәит.

Аиҳабыра рнапхгаҩы асоциалтә аҳа   «Твиттер» аҿы Џьо Баидени иҧҳәыси ҭабуп ҳәа реиҳәеит  адкылара бзиеи Америка Қырҭтәыла иазаанарҧшуа адгылара ҕәҕәеи азыҳәан.

«Сара адунеи алидерцәа раҳаҭыр аҟынтә Америка ахада Џьо Баидени иҧҳәыс Џьилл Баидени рыхьӡала имҩаҧгаз адкылара схы аласырхәит, уаҟа еизо алидерцәа аглобалтә проблемақәа ирызкны ргәаанагара еибырҳәоит. Сара адкылара бзиеи Америка Қырҭтәыла иазаанарҧшуа адгылара ҕәҕәеи азыҳәан ҭабуп ҳәа расҳәоит», — иҩит Қырҭтәыла аҧыза-министр.

Honored to attend a dinner hosted by @POTUS & @FLOTUS, gathering the world leaders to exchange views on the challenges faced by the world today. Thankful for the warm welcome & steadfast support of 🇺🇸 to 🇬🇪. pic.twitter.com/EB3IhPeMBL

— Irakli Garibashvili (@GharibashviliGe) September 22, 2022