Қырҭтәыла аҧыза-министр Иракли Ҕарибашвили инапхгарала, аиҳабыра радминистрациаҿы аиҳабыра реилатәара мҩаҧган.

Аиҳабыра алахәылацәа 3 зҵаарак ирыхәаҧшит, урҭ иреиун Ахыҵакырҭа змам, зынхарҭатә ҭагылазаашьа цәгьоу, ахылҵ рацәа змоу аҭаацәарақәа рнырхара хықәкылатәи аҳәынҭқарратә программа ашьақәырҕәҕәара иазку Қырҭтәыла аиҳабыра рықәҵара апроект. Апрограмма аҳәаақәа ирҭагӡаны, зынхарҭатә ҭагылазаашьа цәгьоу 1000 раҟара аҭаацәарақәа аҳәынҭқарра аҟынтә ироуеит анхарҭа ҿыцқәа. Апрограмма абиуџьет  50 000 000 лари иаҟароуп.

Апрограмма хықәкыс иамоуп социалла ихьчам, хыҵакырҭак змам, ахылҵ рацәа змоу аҭаацәарақәа рыцхраареи иахәҭоу анхарҭатә ҭагылазаашьақәа рзеиқәыршәареи.

Апрограмма ахархәара рылшоит 3-ҩык ма еиҳаны зықәра наӡам ахылҵ змоу аҭаацәарақәа, дара Асоциалтә маҵзура агентраҿы социалла ихьчам аҭаацәарақәа ирызку адыррақәа рбаза ианызар.

Аҭаацәара ари апрограмма рхы иадырхәар рылшоит аҭаацәара алахәылакгьы ахҵәацәеи, екомигрантцәеи, ахныҟәгаратә хыҵхырҭала аиқәыршәареи агентра ахҵәацәеи аекомигрантцәеи рҭаацәарақәа иаку аелектронтә дыррақәа рбаза данымзар.  Иара убас − ахыҵакырҭа змам аҭаацәара алахәылак аҳәынҭқарра аҟынтә анхарҭа,  ма анхарҭа аахәаразы иашьашәалоу аҧаратә компенсациа имоуцзар.

Абарҭ акритериқәа ахәшьара рыҭара ашьҭахь, аҭаацәарақәа рнырхара иазку аӡбара аднакылоит иашьашәалоу акомиссиа.

Апрограмма нагӡахоит 2025 шықәса анҵәамҭанӡа. Аҭаацәарақәа анхарҭақәа роур рылшоит Қырҭтәыла иарбанзаалак административ-аҵакырадгьылтә ак аҿы, — иануп аиҳабыра радминистрациа иаланарҵәаз аинформациаҿы.