Иракли Кобахиӡе Аҩадатәи Македониа ареспублика Ассамблеиа ахада Африм Гаши диҧылеит
Қырҭтәыла аҧыза-министр Иракли Кобахиӡе Аҩадатәи Македониа ареспублика Ассамблеиа ахада Африм Гаши диҧылеит.
Аиҧылараҿы ишазгәаҭаз ала, Ассамбелиа ахада Қырҭтәыла ивизит алшара бзиа рнаҭоит азеиҧш ҽазышәарақәа ирыдҳәаланы ргәаанагарақәа реиҭныҧсахлареи ҩ-ганктәи аусиецура арҭбааразы иҟоу алшарақәа рылацәажәареи азы.
Иаҵшьны иазгәаҭан Қырҭтәылеи Аҩадатәи Македониа ареспубликеи рыбжьара аполитикатә диалоги асектортә аимадарақәеи рырлахҿыхра аҵакы.
Хшыҩзышьҭра рызун ҩ-тәылак рзакәанҧҵаратә органқәа қәҿиарала русеицуреи апарламентбжьаратә еизыҟазаашьақәа рырҕәҕәаразы иҟоу аперспективақәеи.
Аиҧылараҿы аганқәа рхаҭарнакцәа Амшын еиқәа арегионаҿ арегионалатә аимадареи адиалоги рыцхраара аганахьала Қырҭтәыла инанагӡо ароль иазааҭгылеит.
Аиҧылара рхы аладырхәит Қырҭтәыла авице-аҧыза, адәныҟатәи аусқәа рминистр Мака Боҷоришвилии аиҳабыра радминистрациа аиҳабы Леван Жоржолиании.