Қырҭтәыла ахада Михаил Ҟавелашвили ЕАР Ассамблеиа Хада 80-тәи асессиаҿы дықәгылеит.

Михаил Ҟавелашвили иқәгылара далагеит Қырҭәтыла аҭоурых ахцәажәарала, иара ишазгәеиҭаз ала, ари атәыла хнызқьшықәсатәи аҭоурыхи, ауникалтә аҩыреи, ажәытәӡатә бызшәеи, ақьырсиантә традициақәеи  амоуп. Ҟавелашвили иажәақәа рыла,  иара аибашьра алҵшәақәеи ахақәиҭреи аҭынчреи рҵаки здыруа ақырҭуа жәлар дырхаҭарнакуп.

Ҟавелашвили иәҳамҭала, ауадаҩрақәа шырацәоугьы, Қырҭәтыла анапхгара рыжәлар ршәарҭадара аиқәырәшара рылшеит.

Қырҭәтыла ахада ишазгәеиҭаз ала, Қырҭтәыла, Аахыҵ Кавказаҿ акыраамҭалатаиә аҭынчра аиқәырәшара еснагь иазҿлымҳан. Иара иажәақәа рыла, Қырҭтәыла, Шәамахьтәылеи Азербаиџьани рыбжьара  аҭынчра ашьақәыргылара иазку  Дональд Трамп иҭынчратә инициатива иадгылоит.

Михаила Ҟавелашвили иажәақәа рыла, Қырҭәтыла иарбанзаалак адиалоги аусеицуреи иазыхиоуп, аха,  аҳаҭырқәҵареи ииашоу иаҧсоу азныҟәареи иаҳәоит.

«Ҳара хықәкыс иҳамоуп Америка, Китаи, Евроеидгыла уҳәа атәыла дуқәа рҟны патуеиқәҵара ашьаҭала аконструктивтә аизыҟазаашьақәа рырҿиара. Ҳара иарбанзаалак адиалоги аусеицуреи ҳазыхиоуп, аха,  ҳтәыла аҳаҭыр абареи ииашаны азныҟәареи ҳаҳәоит. Ақырҭуа жәлар аультиматум абызшәеи, ашантажи, аршәареи рҽанраалараны иҟам», — иҳәеит атәыла ахада.

Ари аинформациа аланарҵәеит Қырҭәтыла ахада иадминистрациа.