«Анаклиатәи абаҕәаза иадҳәаланы иахьа инаркны аофициалтә ауранагӡара ҳалагоит, Анаклиатәи абаҕәаза аргылара сынтәа ҳалагоит», — иҳәеит Қырҭтәыла аҧыза-министр  Иракли  Ҕарибашвили иахьа имҩаҧгаз аиаҳыбар реилатәараҿы.

Аҧыза-министр ишиҳәаз ала, абаҕәаза  51% аҳәынҭқарра иатәызаауеит,  49% рзы жәларбжьаратәи атендер мҩаҧыргоит, аха, аиҳабыра аинвесторцәа ирзыҧшуам, аусурақәа сынтәа иалагоит.

Иракли Ҕарибашвили ишиҳәаз ала, амҩақәеи автомагистральқәеи рыргыларатә усурақәеи, аҳаирбаҕәаза арҭбаареи, егьырҭ аконцепциақәа аус рыдулареи  активла инагӡоит.

«Сынтәа Ааклиатәи абаҕәаза аргылара алагара хықәкыс иҳамоуп. Иара убас, активла инаҳагӡоит амҩақәеи автомагистральқәеи рыргыларатә усурақәеи, аҳаирбаҕәаза арҭбаареи, егьырҭ аконцепциақәа аус рыдулареи.  Ахырхарҭақәа зегьы рыла иҵоуроу ажәабжь ҿыцқәа ҳамоуп», — иҳәеит  Иракли  Ҕарибашвили.