Ақалақьқәа рхадацәа рҭыҧқәа рзы  «Ақырҭуа гәахәтәы» акандидатцәа  64 аокругқәа рҟынтә 44 рҿы аиааира ргеит, 20 рҿы аҩбатәи атур мҩаҧысуеит, Қарҭгьы аҩбатәи атур мҩаҧаагар акәхоит, аха, агәра ганы ҳаҟоуп Каха Калаӡе  абарҭ алхрақәа рҿы аиааира шиго, —  иҳәеит  «Ақырҭуа гәахәтәы» ахантәаҩы  Иракли Кобахиӡе иахьатәи абрифинг аҿы.

Иара иажәақәа рыла, аҩбатәи атур мҩаҧысуеит  20 мацара аокругқәа рҿы.

«Алхратә комиссиа хада заанаҵтәи алҵшәақәа цәырнагеит, урҭ инрықәыршәаны,  «Ақырҭуа гәахәтәы» аҧыжәара ду ала аиааира агеит. Ишыжәдыруа ала, алхырҭақәа рыхәҭак рылҵшәақәа макьана иҧхьаӡам. Уажәазы иҟоу адыррақәа рыла,  «Ақырҭуа гәахәтәы» — 47,83% аиуит, «Амилаҭтә ҵысра» — 30,69%, «Қырҭтәыла адгыларазы» — 7,48%.  Алхырҭақәа реиҳара рылҵшәақәа иҧхьаӡоуп, убри аҟынтә   ацифрақәа рҿы крызаҵзакәа аиҭакрақәа ҟалом.  64 аокругқәа рҟынтә 44 рҿы анапхгаратә партиа акандидатцәа аиааира ргеит. Аҩбатәи атур мҩаҧысуеит  20 мацара рҿы.  Қарҭгьы аҩбатәи атур амҩаҧгара ахьҳақәшәо ҳгәы иалоуп, аха, агәра ганы ҳаҟоуп  Каха Калаӡе арҭ алхрақәа рҿы  аиааира шиго», — иҳәеит Кобахиӡе.