Қырҭтәыла аҧыза-министр  Иракли Кобахиӡе Кувеит аҧыза-министр  Аҳмед Аль Абдулла  Аль Аҳмед  Аль Сабах диҧылеит. Аганқәа рхаҭарнакцәа ҩ-ганктәи, иара убас, аганрацәалатәи форматқәа рҿы  Қырҭтәылеи Кувеити русеицура иалацәажәеит.

Иракли  Кобахиӡе Кувеит аҧыза-министр ҭабуп ҳәа иеиҳәеит Қырҭтәыла ахьыҧшымреи аҵакырадгьылтә акзаареи адгыларазы.

Аиҧылараҿы ҩ-тәылак рыбжьара ахәаахәҭра-економикатә еизыҟазаашьақәа рдинамикеи наҟ-наҟ арҭ аизыҟазаашьақәа рырҭбаара аперспективақәеи ирзааҭгылеит.

Иара убас, аиҿцәажәарақәа раан, Қырҭтәыла еиқәыршәоу абизнес-лагылазаара бзиеи, еиуеиҧшым аусхкқәа рҿы аинвестициатә алшарақәеи ирзааҭгылеит. Ари аганахьала иалкаан атуризми, иеиҭамҵуа амали, аенергетикеи аусхкқәа. Ишазгәаҭаз ала, атуризм Қырҭтәылаҿ зегьы реиҳа ирласны азҳара иаҿу асекторқәа иреиуп, ари ахырхарҭала Кувеит аҟны аусеицура арҭбаара азҵаара аҵакы ҷыда амоуп.

Кувеит аҧыза-министр Қырҭтәыла аиҳабыра рнапхгаҩы Кувеитҟа ааҧхьара ииҭеит. Иракли Кобахиӡегьы  Аҳмед  Аль Абдулла Аль Аҳмед Аль Сабах Қырҭтәылаҟа дааиҧхьеит.