Қырҭтәыла адәныҟатәи аусқәа рминистр Илиа Дарчиашвили Женева имҩаҧгаз ЕАР ахеилак  ауаҩытәыҩса изинқәа рзы иҳаракӡоу аҩаӡара асегмент  52-тәи асессиаҿы дықәгылеит.  Ари атәы иануп Қырҭтәыла Адәныҟатәи аусқәа рминистрра апресс-маҵзура адырраҿы.

Илиа Дарчиашвили импыҵахалоу Аҧсни Цхинвалтәи арегиони рҿы ауаҩытәыҩса изинқәа рыхьчара аганахьала иҟоу аҭагылазаашьеи агуманитартә  ҭагылазаашьеи  дазааҭгылеит, иара убас, Ауаҩытәыҩса изинқәа рзы ахеилак алахәыла ҿыц ҳасабала Қырҭтәылазы ахадаратә ҵакы зауа ахырхарҭақәа дрылацәажәеит.

Адәныҟатәи аусқәа рминистр ишазгәеиҭаз ала, Қырҭтәыла аҽазышәара ду шыҟоугьы,   Урыстәыла ала импыҵахалоу Аҧсни Цхинвалтәи арегиони рҿы ауаҩытәыҩса изинқәа рыхьчара аганахьала аҭагылазаашьа цәгьоуп, импыҵахалоу арегионқәа ирықәынхо ауааҧсрыа акрызҵазкәа ауадаҩрақәа ирҭагылоуп. Насгьы, жәанызқьҩыла ахҵәацәа иахьа уажәраанӡагьы шәарҭада рыҩныҟақәа рахь изыхынҳәуам.

Илиа Дарчиашвили иаҵшьны иазгәеиҭеит  аҭыҧқәа рҿы  жәларбжьаратәи амониторинг амеханизмқәа рыҟазаара ахымҧадара.