Қырҭтәыла адәныҟатәи аусқәа рминистр  Илиа Дарчиашвили Бриуссель ивизит аҳәаақәа ирҭагӡаны ҩ-ганктәи аиҧыларақәа рымҩаҧгара далагеит.

Адәныҟатәи аусқәа рминистрра апресс-маҵзура адыррала, Илиа  Дарчиашвили Европатәи ахеилак ахада Шарль Мишель ибжьагаҩ  Саимон Мордиу диҧылеит.

«Аминистр адипломатиатә абжьагаҩ инарҭбаау аинформациа ииҭеит Қырҭтәыла қәҿиарала имҩаҧысуа ареформақәа рпрограмма иазкны.

Шазгәаҭаз ала, имҩаҧгаз аусура ду абзоурала,  атәыла акандидат астатус ахәҭоуп,  уи шьақәырҕәҕәоуп абҵара  8 рзы Еврокомиссиа иҟанаҵаз абжьагара алагьы.

Иара убас,  авизит аҳәаақәа ирҭагӡаны,  Илиа Дарчиашвили  Еврокомиссиа агенералтә директор  Герт Иан  Копмангьы диҧылеит.

Аганқәа рхаҭарнакцәа Қырҭтәылеи Евроеидгылеи рыбжьара интенсивла имҩаҧысуа аконсультациақәа ибзианы ирыхцәажәеит.