Урыстәыла ахь ааԥхьара ҟасҵоит ари хшыҩҵак змам аибашьра ааникыларц. Зыпшра ҟамҵакуа Украинантә ар алганы, адипломатиа, адиалог амҩа дазыхынҳәырц, – иҳәеит Нато амаӡаныҟәгаҩ хада Иенс Столтенберг.

Столтенберг иажәақәа рыла, Урыстәыла ахатә хымҩаԥгашьазы ахә ашәароуп.

“Кремль ахықәкы Украина мацара акәӡам. Нато арҭбаара аҿагыларазы, Урыстәыла аиуристтә гәраргага ахьаарԥшу аиқәшаҳаҭра абжьаҵара идҵаны иқәнаргылоит. Уажәы Европа ареалра ҿыц аҿаԥхьа ҳгылоуп, ари ареалраҿ Урыстәыла европатәи аиҿкаашьа аԥырхагоуп, ахатә гәҭакы анагӡаразы амч ахархәара аҿуп. Урыстәыла ахатә хымҩаԥгашьазы ахә ашәароуп,” -иҳәеит Нато амаӡаныҟәгаҩ хада.

Столтенберг ишааицҳаз, Украина аганахьалаагрессиа анагӡара иазкыз Путин иӡбамҭа идуӡӡоу агхан, ари азы хара имгакәа Урыстәыла ахә цәгьа ашәароуп. Стобтенберг иажәақәа рыла, Урыстәыла аганахьала асанкциақәа шьаҟәырӷәӷәоуп.