Аурыс ахатәы арратә еилахәыра “Вагнер” ашьаҭаркҩы Евгени Пригожин ишааицҳаз, аибашьцәа Ростовтәи арратә обиектқәа ааныркылеит, урҭ иреиуп аҳаирбаӷәаза.

Авидеоааԥхьараҿ Пригожин ишазгәеиҭаз ала, уажәы уи Ростов, арратә штаб аҿы дыҟоуп.

„Аштаб аҿы хаҟоуп. Уажәы асааҭ 07:30 роуп. Ҳахылаԥшуеит ростовтәи арратә обектқәа, урҭ иреуп аеродром. Аибашьрахь зхы рхоу аҳаирпланқәа, аихшанҵа ала аус руеит. Апроблемақәа иҟам. Авиациа ҳганахьала акәым, украинаа ирықәларц азы аҭагылазаашьа ҳаԥсахит. Анапхгараҭаратә штаб аштаттә режим аҿы аус ауеит“, – иазгәеиҭеит Пригожин.

Евгени Пригожин Урыстәыла Атәылахьчара аминист Сергеи Шоигуи аинрал Валери Герасимови Ростов аҭаара идҵаны зықәиргылоит. Пригожин иажәақәа рыла, аурыс ачинҳаракҩцәа аԥсыҭбарақәа ирызку адыррақәа рҵәахуеит

“Вагнер” анапхгаҩы Евгени Пригожин ипрессмаҵзура ателлеграм аҿы аланарҵәаз аудионҵамҭаҿ Пригожин Урыстәыла Атәылахьчара аминистрра “Вагнер” арратә лагерқәа рганахьала аракетатә жәылара мҩаԥнагеит ҳәа рхараиҵеит. Пригожин ишахгәеиҭаз ала, ари аҭак азыруеит. Атәылахьчара аминистрра ари афакт мап ацәнакит.  Пригожин алаирҵәаз информациеи аудионҵамҭеи апровокациоуп ҳәа аарыцҳаит. Урыстәыла ашәарҭадаратә маҵзура “Вагнер” аибашьцәа рахь ааԥхьара ҟанаҵеит Евгени Пригожин идҵақәа нармыгӡарц. Аларцәара зауз адыррақәа рыла, Москва атехника хьанҭа цәырҵит. Ростов ахь ишьҭуп азкра ҷыдақәа змоу агәыԥқәа.