Америка аҳәынҭқарратә маӡаныҟәгаҩ Ентони Блинкен  Қырҭтәыла адәныҟатәи аусқәа рминистр Илиа Дарчиашвили амаҵзураҭыҧ ҿыц аанкылара идиныҳәалеит. Ари аинформациа аланарәеит Қырҭтәыла Адәныҟатәи аусқәа рминистрра.

Адныҳәаларатә шәҟәы аҟны Блинкен ишазгәеиҭаз ала,  Америка лакҩакрада Қырҭтәылаҟны астратегиатә партниорра нанагӡоит

Иара убас, Блинкен ишиҩыз ала,  «Қырҭтәыла ахьыҧшымра аиҭашьақәыргылара амш инаркны, Америка Қырҭтәыла иадгылоит адемократиатә,  евроатлантикатә, аҭынчратә ҧеиҧш аиқәыршәараҿы.  Америка наҟ-наҟгьы Қырҭтәыла иацхраауеит адемократиатә институтқәа рырҕәҕәареи, аекономика адиверсификациеи, аимакқәа рҭыҧқәҵареи аус аҿы», — иҩит Блинкен.

Иара убас, ашәҟәы аҟны иазгәаҭоуп Қырҭтәылеи Америкеи  30 шықәсатәи русеицура аҳәаақәа ирҭагӡаны, дара, еидгыланы, аглобалтә шәарҭадара шырыхьчоз.

Америка аҳәынҭқарратә маӡаныҟәгаҩ даҽазнык иаҵшьны иазгәеиҭеит Америка Қырҭтәылаҟны апартниорра  шынанагӡо.