Ауаажәларратә дырраҭара, Еврокомиссиа/Аҵареи акультуреи рзы европатәи аҵаратә агентра (EACEA – European Education and Culture Executive Agency)  аҽалархәрала,  арадиотеатр аӡыргара иазку жәларбжьаратәи апроект  The Synchromesh  амҩаҧгара иалагоит.

Synchromesh   – ажәытәӡатә радиожанр  —  арадиотеатр аҿиареи аӡыргареи иазкуп. Еврокомиссиа аҧара ззоунашьҭуа апроект иалахәып бжь-тәылак: Қырҭтәылеи, Ирландиеи,  Албаниеи,  Венгриеи,  Италиеи,  Украинеи,  Румынтәылеи.

Апроект аҳәаақәа ирҭагӡаны имҩаҧгахоит асеминарқәеи, аҵаратә уснагӡатәқәеи, аҧхынтәи ашколи. Аҵыхәтәантәи ахықәкы  — адыҧхьалареи, арҵареи, уи ашьаҭала арадиоспектакль аҧҵареи.

Synchromesh —  атрансмилаҭтә проектуп, уи хықәкыс иамоуп   арадиоақәыргыларақәа ирызҿлымҳау аҿар рыгәҭа иашьашәалоу агәырҵҟәыл арҿиара.  Апроект аҿар ирыцхраауеит жәларбжьаратәи аҧышәа аиураҿы.