Қырҭтәыла аекономикеи иҭышәынтәалоу аҿиареи рзы аминистрра иаҵанакәа Атәылауаҩратә авиациа агентра еихшьаалоу адыррақәа рыла, 2023 шықәса ажьырныҳәа-хәажәыкра мзқәа рзы Қырҭтәыла аҳаирбаҕәазақәа апандемианӡа иҟаз аҭагылазаашьа азыхынҳәит. Сынтәа, хымз рыла Қырҭтәыла аҳаирбаҕәазақәа  1 050 864-ҩык апассаџьырцәа рыдыркылеит, ари арбага  2022 шықәсатәи иашьашәалоу аамҭа арбага аасҭа 33%-ла еиҳауп.

Агентра аинформациа ала, сынтәа, хымз рыла Қырҭтәыла аҳаирбаҕәазақәа ирыдыркылаз апассаџьырцәа рхыԥхьаӡара, 2019 шықәсатәи иашьашәалоу аамҭа арбага аасҭа 3%-ла еиҳауп.

«Сынтәа, хымз рыла, Қарҭтәи жәларбжьаратәи аҳаирбаӷәаза аднакылеит 713 660-ҩык. 2022 шықәсатәи арбага иаҿаҳарҧшыр,  апассаџьырцәа рхыҧхьаӡара азҳаит 41%-ла.

Қәҭешьтәи жәларбжьаратәи аҳаирбаҕәаза  аднакылеит  253 073-ҩык апассаџьырцәа.  2022 шықәсатәи арбага иаҿаҳарҧшыр,  апассаџьырцәа рхыҧхьаӡара азҳаит  108%-ла.

Баҭымтәи жәларбжьаратәи аҳаирбаҕәаза  77 077-ҩык апассаџьырцәа рымаҵ ауит. Ари арбагагьы шықәсыкала 49% ацлеит.

2022 шықәсазы Қырҭтәыла аҳаирбаҕәазақәа рҿы инагӡан  4 839 ареисқәа,  урҭ рҟынтә  3 802 – еиҧҟьарадатәи аресқәоуп,  1 037 – ачартертә реисқәоуп. Ареисқәа рхыҧхьаӡарагьы  2022 шықәсатәи арбага аасҭа  22%-ла иазҳаит. Ари арбага  20ё9 шықәсатәи иашьашәалоу аамҭа арбага аасҭа 93%-ла еиҳауп», иазгәаҭоуп Атәылауаҩратә авиациа агентра аинформациа аҿы.