Атәылауаҩратә авиациа агентра   адыррақәа рыла, сынтәа жәымз рыла, Қырҭтәыла аҳаирбаҕәазақәа рҿы зеиҧшҟамлац ала ирацәаны ареисқәа мҩаҧган.

«Ажьырныҳәа инаркны цәыббранӡа Қырҭтәыла аҳаирбаҕәазақәа рхы иадырхәит  6 489 755ҩык апассаџьырцәа,   2024 шықәса иашьашәалоу аамҭа иаҿаҳарҧшыр, урҭ рхыҧхьаӡара иазҳаит 14 наӡынала.   Зегьы реиҳа апассаџьырцәа рхыҧхьаӡара иацлеит Баҭымтәи жәларбжьаратәи аҳаирбаҕәазаҿы. Ахҧатәи акварталаз аимадамҩангара аҭаӡарагьы иацлеит. Жәымз рыла аҳаиртә транспортла имҩанган  25 905 200 тонна аидара.  Ари арбагагьы ҵыҧхтәи иашьашәалоу аамҭазы иҟаз арбага аасҭа  50%-ла еиҳауп. Апассаџьырцәа рхыҧхьаӡара инақәыршәаны, ақырҭуа авиаџьармыкьаҿ аҧхьагылара амоуп авиаеилахәыра  Wizz Air», — иануп Атәылауаҩратә авиациа агентра адырраҿы.

Агентра адыррақәа рыла, имҩангоу апассаџьырцәа рхыҧхьаӡара инақәыршәаны, авиаеилахәырақәа абас еишьҭагылоуп:

Wizz Air Hungary – 17% (1 065 618ҩык апассаџьырцәа); Georgian Airways – 8% (509 238ҩык апассаџьырцәа); Turkish Airlines – 7% (458 370ҩык апассаџьырцәа); Pegasus – 7% (453 550ҩык апассаџьырцәа); Red Wings – 6% (408 018ҩык апассаџьырцәа); Azerbaijan Airlines – 6% (358 291ҩык апассаџьырцәа); Azimuth – 4% (258 586ҩык апассаџьырцәа); EL AL – 4% (255 460ҩык апассаџьырцәа); Israir – 3% (204 645ҩык апассаџьырцәа); Fly Dubai – 3% (182 703ҩык апассаџьырцәа).