«Ақырҭуа гәахәтәы»  иаладырҵәаз асоциалтә ҭҵаарақәа рылҵшәақәа рыла, Қарҭ  Каха Калаӡе  66,2 наӡына имоуп, Никанор Мелиа – 33,8 наӡына.

Аҭҵаарақәа цәыригеит  апартиа «Ақырҭуа гәахәтәы» ауаажәлар рҟны аимадаразы амаӡаныҟәгаҩ  Шалва Папуашвили.

«Асоциологиатә ҭҵаарақәа мҩаҧган нанҳәа  2-8 рзы,  3446ҩык ареспондентцәа ргәаанагара аадырҧшит. Раҧхьа иргыланы, Қарҭ ахада иҭыҧ азы акандидатцәа ирыдҳәаланы ҳразҵаауан.   Аҭҵаарақәа рылҵшәақәа рыла, алхрақәа рҿы ҩыџьа мацара акандидатцәа  — Каха Калаӡеи  Никанор Мелиеи иқәгылазҭгьы,  Каха Калаӡе  — 66,2 наӡына иоуан; Никанор Мелия — 33,8 наӡына.

Иара убас, апартиатә реитинггьы шәыдаагалар ҳҭахуп:

«Ақырҭуа гәахәтәы» — 46.3; «Амилаҭтә ҵысра» — 23.3; «Гирчи»  — 5,3; «Қырҭтәыла адгыларазы» — 5,2; «Мокалакееби» — 3,3; «Аҕмашенебели истратегиа» — 2.3; «Лело» — 2,3; «Апатриотцәа ралианс» — 2,1; «Европатәи Қырҭтәыла» — 1,4;  «Алеибористтә партиа» — 0,9; «Иаку Қырҭтәыла» — 0,8; егьырҭ апартиақәа — 5,6», — иҳәеит Шалва Папуашвили.