Иахьа Америка “Украиназы ленд-лиз иазку” азакәан амч аиуит. Азакәан ала иазҧхьагәаҭоуп урыстәылатәи агрессиа аҿагыларазы Украина арратә цхыраара аҭара.
«Иахьа Америка “Украиназы ленд-лиз иазку” азакәан амч аиуит. Украина иаҳа ирацәаны иаҳа еиҕьу абџьар аиуеит. Украина хымҧада ахатә ҵакырадагьылқәа зегьы архынҳәуеит», — иҳәеит Украина Иреиҳаӡоу Рада ахантәаҩы Руслан Стефанчук.
2022 шықәса лаҵара 9 рзы Америка ахада Џьо Баиден Украиназы ленд-лиз иазку азакәан инапы аҵаиҩит. Украина иаиуа арратә техникеи аџьаҧҳани ахә ашәар алшоит Урыстәыла ианаиааилак ашьҭахь, мамзаргьы аибашьра ашьҭахь еиқәхаз атехника дырхынҳәуеит.