«Қырҭтәыла европатәи аҧеиҧш иазкны еилыкка аҳәамҭа ҟаҵоуп,  аха, убри аамҭазы, азакәанҧҵараҿы аиҭакрақәа мҩаҧысуеит, ҳара уи даараӡа ҳаргәамҵуеит. Уажәы аимадареи адиалог амҩаҧгареи иаамҭоуп», — иҳәеит Европа Ахеилак Амаӡаныҟәгаҩ Хада Ален Берсе  Албаниа, Тирана ақалақьаҿ, Европатәи аполитикатә уаажәларра асаммит иалагаанӡа.

Берсе иҳәамҭала, асаммит аҳәаақәа ирҭагӡаны Қырҭтәыла аҧыза-министр еиҭах иҧылара алшара иоур ҟалап.

«Ишыжәдыруа еиҧш, сара сзгьы, Европа Ахеилак азгьы Аахыҵ Кавказ аҵакы ду амоуп. Ари арегионаҿ аҭынчреи аҭышәынтәалареи еиқәыршәатәуп, уи иаҵанакәа рацәоуп. Ҧхынҷкәын азы Қырҭтәыла сыҟан. Қырҭтәыла европатәи аҧеиҧш иазкны еилыкка аҳәамҭа ҟаҵоуп,  аха, убри аамҭазы, азакәанҧҵараҿы аиҭакрақәа мҩаҧысуеит, ҳара уи даараӡа ҳаргәамҵуеит. Уажәы аимадаеи адиалог амҩаҧгареи иаамҭоуп.   Убри азоуп уажәааны аҧыза-министр Кобахиӡе сзиҧылаз, Европатәи аполитикатә уаажәларра асаммит аҿгьы абри аҩыза алшара ҟалоит. Ҳара азҵааақәа зегьы рыӡбаразы адиалог амҩаҧгаразы ҳаиқәшаҳаҭхеит, абра, асаммит аҳәаақәа ирҭагӡаны, абри аҩыза алшара ҳаур ҟалап», — иҳәеит  Ален Берсе.