«Ҳара хықәкыс иҳамоуп ақырҭуа ган аҟны аконструктивтә диалог амҩаԥгара, ари ахырхарҭала активла аусеицура ҳаҿуп», — иҳәеит Европа Ахеилак амаӡаныҟәгаҩ хада Ален Берсе ақырҭуа журналистцәа данрацәажәоз.

Берсе иажәақәа рыла, Қырҭтәыла аԥыза-министр иҟны аиԥылара хықәкыс аман еизыҟазаашьақәа реиӷьтәра.

«Даҽа еиԥыларак ҳаман. Ари ахадара ду злаз еиԥыларан. Қырҭтәыла аԥыза-министр иҟны аиԥылара хықәкыс аман еизыҟазаашьақәа реиӷьтәра. Ҳара хықәкыс иҳамоуп ақырҭуа ган аҟны аконструктивтә диалог амҩаԥгара, ари ахырхарҭала активла аусеицура ҳаҿуп», — иҳәеит Берсе.

Қырҭтәыла аҧыза-министр Иракли Кобахиӡе, Анталиатәи Адипломатиатә форум аҳәаақәа ирҭагӡаны, Европа Ахеилак амаӡаныҟәгаҩ хада Ален Берсе диҧылеит. Аиҧылараҿы Қырҭтәылеи Европа ахеилаки русеицура иалацәажәеит. Иракли Кобахиӡе асоциалтә ҳаҿы ишааицҳаз ала, аганқәа рхаҭарнакцәа атәыла евроинтеграциа апроцессаҿ иҟоу апроблемақәеи Қырҭтәыла имҩаҧысуа аполитикатә процесқәеи ирылацәажәеит.