Қырҭтәыла Аҳәынҭқарратә шәарҭадара амаҵзура Антикоррупциатә агентреи Қырҭтәыла апрокуратуреи еицымҩаҧыргаз аусмҩаҧгатәқәа рҳәаақәа ирҭагӡаны, аӡбарҭа ақәҵара ашьаҭала, мцҳәарыла  403 095 лари агара афакт азы аанкылоуп аилахәыра  «Гуриа Енердџьи» адиректор  М.Ж.-и , иара убас, ахылаҧшратә еилахәыра аусзуҩ  П.Р.-и. Иара убас, ахылаҧшратә еилахәыра аусзуҩ  Т.М. ахара идҵоуп, – ирҳәеит Аҳәынҭқарратә шәарҭадара амаҵзураҿы имҩаҧгаз абрифинг аҿы.

Абрифинг аҿы ишеилкаахаз ала, ари аус мцҳәарыла аҧара рацәа агареи аофициалтә документқәа рҧаршеиреи рхархәареи иадҳәалоуп.

«Зыӡбахәы ҳәоу аҧара Қырҭтәыла Арегионалтә аҿиареи аинфраструктуреи рминистрра иатәын. Аусеилыргараан ишеилкаахаз ала,  2022 шықәса цәыббра инаркны  2023 шықәса ажьырныҳәанӡа, Гардабани амуниципалитетаҿ, аҭыҧантәи автомобилтә мҩа арҽеиратә усурақәа раан,  100%-тәи ахәҭа зтәу аилахәыра  „Гуриа Енерџьи“ адиректор  М.Ж.-и, атендер амҩаҧгара ахылаҧшразы аҭак зыҧхықәыз   П.Р. ицхыраарала,  иҧаршеиз адокументқәа рхархәарала, Қырҭтәыла Арегионалтә аҿиареи аинфраструктуреи иатәыз  403 095 лари мцҳәарыла иргеит, уи ала, аҳәынҭқарра азарал ду азааргеит. Аекспертиза аихшьаала инақәыршәаны, аилахәыра  „Гуриа Енерџьи“ имҩаҧнагаз аусурақәа ҽеим, амҩа ахархәаразы ихәарҭам.

Зыӡбахәы ҳәоу ацәгьауразы 6 шықәса инаркны  9 шықәсанӡа аҭакра иазҧхьагәаҭоуп.

», – ирҳәеит Аҳәынҭқарратә шәарҭадара амаҵзураҿы имҩаҧгаз абрифинг аҿы.