Ҧхынгәы инаркны, Қырҭтәыла етапла аиуеит авакцина Pfizer миллион адозақәа, —  Қырҭтәыла Аҧыза-министр  Иракли Ҕарибашвили ари атәы ааицҳаит иахьа аиҳабыра русмҩаҧгарҭаҿы имҩаҧгаз абрифинг аҿы.

Иара иажәақәа рыла, ашықәс анҵәамҭанӡа Қырҭтәыла аиуеит  авакцина 4 миллион адозақәа.

« Pfizer аҟны қәҿиарала имҩаҧаагаз аиҿцәажәарақәа рыбзоурала, ҳара миллион адозақәа рзы ҳаиқәшаҳаҭхеит.  Аиқәшаҳаҭра ҳнапы аҵааҩхьеит, аҧара ҳшәахьеит. Ҧхынгәы инаркны,  Pfizer, етапла, авакцина миллион адозақәа ҳзаашьҭра иалагоит.  Зынӡа, ашықәс анҵәамҭанӡа, авакцина  4 миллион адозақәа ҳаураны ҳаҟоуп, убри абзоурала,  зықәра наӡоу ҳуааҧсыра  60 наӡына алаҵақәа рзыҟаҵара ҳалшоит», — иҳәеит Иракли Ҕарибашвили.

Иара убас, аиҳабыра рнапхгаҩы ишиҳәаз ала, Америка аиҳабыреи ахадеи рыӡбара ала,  Қырҭтәыла, авакцина  Pfizer шәнызқьла адозақәа  ҳамҭас аиуеит.