Азербайджаны территорион æнхъæндзинад, бадзырдты темæ нæу æмæ никуы уыдзæн – ахæм дзуапп ратта Азербайджаны президент Ильхам Алиев Сомихыстоны ногæвзæрст премьер-министры Никол Пашиняны фидиуæнæн.
Пашинян Къарабахы конфликты аскуыдзаг кæнынæн, Азербайджаны паддзахадимæ бадзырдтæ райдаынмæ цæттæдзинад равдыста, фæлæ æрмæстдæр уыцы цауы зæгъгæ, кæд ацы бадзырдты хайад райсдзысты æнæразы Уæлхох Къарабахы минæвæрттæ дæр.
«Нæ принципон позици Сомихыстон-Азербайджаны Уæлхох Къарабахы конфликтмæ гæсгæ, æнæивгæ у. Азербайджаны территорион æнæхъæндзинад æххæстæй æмæ æнæмæнгæй хъуамæ сног уа. Уый домы рæстдзинад æмæ æхсæнадæмон барад. Уæлхох Къарабах у Азербайджаны æнæдихаг хай» – райхъусын кодта Ильхам Алиев, Гейдар Алиевы раугырдæй 95-æм азы сæрмæ нывонд церемонийыл дзырдæй ралæуды рæстæджы.
