Сомихыстон æмæ Гуырдзыстоны æхсæн ахастытæ æртыккаг фарсыл баст не сты æмæ фидæны дæр стратегион æмæ æфсымæрон уыдзысты – уый фæдыл Сомихыстоны премьер-министр Никол Пашинян расидтис.

Сомихаг медийы информацийæ, ацы расидæн Сомихы премьер-министр брифингыл сарæзта, цы ран дзуапп ратта Гуырдзыстоны премьер-министр Ираклий Къобахидзейы ныхæстæн, цæмæй «Евроцæдисæн йæ бон нæ уыдзæн ирон-гуырдзиаг ахастытыл бандæвын».

Журналисты фарстæн дзуапп дæтгæйæ, Пашинян банысан кодта, зæгъгæ, Гуырдзыстонæн ис ахсджиаг æмæ сæйраг бынат Сомихыстон-Евроцæдисы ахастыты.

«Гуырдзыстон иттæг нысаниуæгджын æмæ сæйраг роль æххæст кæны сомихаг-европæйаг æммахастыты, æмæ тынг тыхст стæм уæвæг уавæрæй.Мах хъуыды кæнæм, цæмæй ацы уавæр хъуамæ регуляцигонд æрцæуа», -расидтис Пашинян.

Уымæй дарддæр ма, йæ ныхæстæм гæсгæ, Сомихстон æмæ Гуырдзыстоны æхсæн ахастытæн ницы бастдзинад ис æндæр бæстæтимæ кæнæ æхсæнадæмон организацитимæ ахастытæм; Сомихыстон-гуырдзиаг ахастытæ сты стратегион, дæргъвæтин, историон æмæ æфсымæрон характерæй æмæ афтæ уыдзысты фидæны дæр.

«Æндæр сценарийæн хуымæтæджы нæй гæнæн», — банысан кодта Сомихы премьер-министр.