Абоны рабадтыл Европарламент Гуырдзыстоны фæдыл резолюцийы проект райста, кæцыйы Европарламенты депутат Раса Юкневичене бацæттæ кодта.

436 Европарламенты схъæлæс кодтой резолюцийы фарсыл, 145 та схъæлæс кодтой йæ ныхмæ.

Резолюцийы текстмæ гæсгæ, Европарламент æххæст солидарондзинад æвдисы гуырдзиаг адæмимæ, кæцытæ дарддæр кæнынц тох европон æмæ демокративон Гуырдзыстоны сæраппонд демокративон регрессийы, рæзгæ репресситы, æнæзакъонон ахстты, знаггадгæнæг риторикæйы, дезинформацийы æмæ тæссагдзинæдты рæстæджы.

«Мах бахахх кæнæм, цæмæй Гуырдзыстоны æмбæстæгты зæгъæн ис 75% дарддæр кæнынц Евроцæдисимæ дарддæры интеграцийы фарсылхæцындзинад. Ноджы иу хатт сидытæм, цæмæй Евроцæдисы дуæрттæ уæрæх гом сты гуырдзиаг адæмæн, цæмæй æрыздæхой европæйаг фæндагмæ.

Арф фыдæнхъæлæй банысан кæнæм, цæмæй «Гуырдзиаг бæллиццы» парти æрмæст нæ фæлæууын кодта, фæлæ ма эффективонæй фæстæмæ здæхта Гуырдзыстоны фæндаг европон интеграцимæ. Хъыгагæн банысан кæнæм алы 9 приоритеты фæстæмæ здæхт, кæцыты сæххæст Гуырдзыстоны кандидаты статусы уавæр уыд. Мах банысан кæнæм «Гуырдзиаг бæллиц»-ы расидæнты ныхмæвæрд характер, кæцытæ æвдисынц Евроцæдисмæ интеграци куыд сæйраг приоритет, уыцы иу рæстæджы йæ хистæр минæвæрттæ æмæ хицауадимæ баст медиа уадзынц организгонд æмæ систематикон кампани, цæмæй апарахат кæной уырыссаг хуызы манипулятивон нарративтæ, дезинформаци æмæ конспиративон теоритæ Евроцæдисы, йæ бæрнон кусджыты æмæ дипломатты ныхмæ.

Хъыгагæн банысан кæнæм, цæмæй 2024 азы октябры фальсификацигонд парламентон æвзæрстыты фæстæ, «Гуырдзиаг бæллиц» ноджы фæтыхджындæр кодта йæ змæлд æххæстбарджын авторитаризмы æрдæм. Мах æвдисæм тыхстдзинад Гуырдзыстоны демокративон бындурты тагъд æрбайсæфты тыххæй, нысанмæздæхт бырстыты руаджы демокративон институттыл, фундаменталон сæрибардзинæдтыл æмæ демокративон плюрализмыл, кæцы бынтондæр ныхмæлæууæг у Евроцæдисы уæнгдзинадæн æнæмæнгхъæугæ демокративон рæзынады домæнтæн. Мах æмбарæм Еврокамисы аргълæвæрд, цæмæй сæйраг уагдæттæ, куыд Централон Æвзарæнон Къамис, Бастдзинады Къамис, Юстицийы Уæлдæр Совет, Конституцион Тæрхондон, Прокуратурæ, Националон Банкъ, афтæ дæр барадхъахъхъæнæг æмæ æдасдзинады уагдæттæн нæй æнæхиндзинад, хæдбардзинад æмæ демокративон цæстдард. Мах банысан кæнæм, цæмæй Гуырдзыстонæн йæ бон нæ уыдзæн Евроцæдисмæ бацæуыны æрдæм исты прогресс саразын, цалынмæ демокративон реформæты фæндагыл нæ раздæха æмæ, æндæр хъуыддæгты æхсæн, сæрибар, рæстаг æмæ конкурентхъом æвзæрстытæ сифтонг кæна, паддзахадон институтты хæдбардзинад, олигархион æндæвдады проблемæ эффективонæй аиуварс кæна æмæ адæймаджы бартæ æмæ медийы сæрибардзинады хъахъхъæд нæ фæхуыздæр кæндзæн».

Резолюцийы ма бахаххгонд цæуы, цæмæй Евроцæдис æмæ йæ уæнг бæстæты æрдыгæй æвæрд нысанмæздæхт персоналон санкцитæ Бидзина Иванишвилийы ныхмæ, «Гуырдзиаг Бæллиццы» сæйраг лидерты, тæрхонгæнджыты, прокуратурæйы æмæ æндæр бæрнон кусджыты ныхмæ, кæцытæ дзуапп дæттынц демократон фæстæмæздæхты, æвзæрстыты сайды, адæймаджы барты серьезон хæлдтыты, политикон ныхмæлæуджыты æмæ активистты æфхæрды, афтæ дæр медийы æмкусджыты рауагъдадтæ, кæцытæ баст сты «Гуырдзиаг бæллицимæ», сты нысаниуæгджын фæрæз æнæфхæрддзинады ныхмæ тохы.

«Мах æхсызгонæй райсæм уыцы факт, цæмæй Евроцæдисы æмвæзадыл æмхъæлæсондзинады æнæуæвгæйæ, фылдæрæй-фылдæр кæны уæнг бæстæты нымæц индивидуалон визæйы арæнæвæрдтæ æмæ æндæр санкцитæ Гуырдзыстоны бæрнонты ныхмæ».

Сидæм æндæр уæнг бæстæтæм дæр ахæм цæвиттонмæ æркæсын. Ноджы иу хатт сидæм Евроцæдис æмæ йæ уæнг бæстæтæм, цæмæй æвæстиатæй æрæвæрой нысанмæздæхт сæрмагонд санкцитæ Бидзина Иванишвилийы, йæ бинонты уæнгты æмæ йæ хицауиуæггæнæг компаниты ныхмæ, афтæ ма йын йæ активтæ æрæхгæной æмæ ацы фарстайы фæдыл сæ архайдтытæ æндæр юрисдикцитимæ, сæрмагондæй та Иугонд Паддзахад æмæ Америкæйы Иугонд Штаттæм, координаци кæной».

Уымæй дарддæр ма, Европарламент:

• Тæрхон кæны политикон репресситы, журналистты æмæ адæймаджы барты хъахъхъæнджыты, афтæ ма оппозицион политикты æфхæрд бæрнон кусджыты æмæ уагдæтты системон æнæфхæрддзинадæн;
• Евроцæдисы дзуапп Гуырдзыстоны рæзгæ авторитарон консолидацийæн нымайы æнæфаг æмæ æрæгмæ;
• Сиды Евроцæдисы Советмæ æмæ уæнг бæстæтæм, цæмæй æвæстиатæй райсой координацион арæнæвæрд мадзæлттæ æппæт бæрнон политикты, бæрнон кусæгты æмæ хицæн адæймæгты ныхмæ, кæцытæ æххуыс кæнынц режимæн, уыцы нымæцы санкциты номхыгъдтæ фæуæрæхдæр кæнын, активтæ æрæхгæнын æмæ визæты арæнæвæрдтæ æвæрын. Документы афтæ дæр сиды Венгрийы ног хицауадмæ Иванишвилийы æмæ «Гуырдзиаг Бæллиццы» къухдариуæгады ныхмæ паневропæйаг санкциты блокирдзинад аиуварс кæна, æмæ уыцы цауты, кæцыты æмхъæлæсдзинад гæнæн нæй, коллективон уынаффæйы райсты механизмтæм æркæса.

Европарламент ноджы иу хатт сиды Гуырдзыстоны ныры парламенты æмæ йæ снысангонд президенты, Михаил Кавелашвилийы легитимондзинад кæй нæ банымадта.

Резолюцийы сидынц Евроцæдисы æмæ уæнг бæстæты минæвæрттæ, цалынмæ демократион регресси æмæ репресси даргъ кæнынц, уæдмæ Гуырдзыстоны ныры хицауады минæвæрттимæ, се æхсæн дэ-факто президентимæ фембæлдæй сæхи бауромой. Уыимæ иумæ  хъæппæрис хæссы Гуырдзыстоны æмбæстагон æхсæнадимæ, хæдбар медиимæ æмæ ахуырадон уагдæттимæ æмкуысткæнынад фæтыхджындæр кæнын.

Европарламент тыхстдзинад сиды Гуырдзыстоны æвзарæнон закъондæттынадмæ 2024–2025 æзты бахаст ивæндзинæдты фæдыл, афтæ дæр фæсарæнты Гуырдзыстоны æмбæстæгтæн хъæлæс кæныны тобæдзинад. Документы банысангонд у, цæмæй æвзæрстыты хайадист у æппæт æмбæстæгты бындурон конституцион бар, цæрæн бынатмæ æнæкæсгæйæ. Уæлдай æргом здæхт цæуы гранттæ æмæ фæсарæйнаг финанскæныны тыххæй закъондæттынадмæ. Резолюцийы ис фыст, цæмæй фæстаг ивддзинæдтæ эффективонæй нæ дæттынц гæнæн æмбæстагон æхсæнадæн æмæ медийæн æнæ развæлгъау паддзахадон барлæвæрдæй æхсæнадæмон æххуыс райсын, æмæ ацы домæнты хæлд гæнæн ис æмæ æрцæуа уголовон æфхæрд æхсæз азы онг ахæстоны фæбадын.

Европарламент ма:

• Æфхæры политикон ныхмæлæуджыты ахстытæ æмæ æфхæрд;
• Домы, цæмæй æппæт уыцы адæймæгтæ, кæцытæ нымад цæуынц политикон ахæсттыл, æвæстиатæй æмæ æнæфæцудгæйæ ссæрибар кæной;
• Ноджы иу хатт сиды раздæры президент Михаил Саакашвилийы æвæстиатæй ссæрибар кæнынмæ гуманитарон аххосæгтæй фæсарæнты медицинон хоскæнынады тыххæй;
• Домы, цæмæй Европарламентаритæн лæвæрд æрцæуа æнæкъуылымпыйæ бацæуæн Саакашвили æмæ æндæр политикон ахæсттæм.

Документ сиды бинонты аргъдзинæдты æмæ æнахъомты хъахъхъæды тыххæй закъон скусын кæнынмæ, уымæн æмæ, Европарламенты хъуыдымæ гæсгæ, йæ уагæвæрдтæ карзæй халынц адæймаджы бартæ, уыцы нымæцы æмхуызондзинады бар, дискриминацийæ хъахъхъæд, ахуырад, æнæниздзинад хъахъхъæнынад, ныхасы сæрибардзинад, æмбырд æмæ ассоциаци. Европарламент афтæдæр æфхæрдта ТВ Имеди, ПостТВ æмæ Рустави 2-йы роль, резолюцийы куыд фыст ис, афтæмæй системон дезинформаци, «сау пиар» æмæ Евроцæдис æмæ йæ минæвæртты ныхмæ знаггадгæнæг пропагандæ парахат кæныны хъуыддаджы.

Уый фæдыл Европарламент хорзыл банымадта Стыр Британийы æскъуыддзаг телевизион «Имеди» æмæ «ПостТВ»-йы ныхмæ санкциты æрфидар кæныны фæдыл æмæ Евроцæдисы уæнг бæстæтæм æрсидт аналогион мадзæлттæм æркæсой, се æхсæн Гуырдзыстоны националон коммуникациты къамис æмæ Гуырдзыстоны æхсæнадон уацхæссæгы къухдариуæгады нымæцы.