«Студентты ахуырады финансирдзинады программæйы» ивæндзинæдтæ сæ тыхмæ бацæудзысты ацы азы фæззыгон семестрæй, Æнтыстджын магистрантæн стипенди 562,5 ларийæ 1000 ларийы онг  сырæздзæн – уый фæдыл Тбилисы мэр Каха Къаладзе муниципалон хицауады абоны рабадтыл расидтис.

Йæ ныхасмæ гæсгæ, афтæ дæр райдайдзæн ног программæ «Æвзонг ахуыргондтæ Тбилисæн».ё

«Программæйы фæлгæтты финанс кæндзыстæм æрыгон иртасджыты, кæцытæ кусдзысты сæйраг сахары фарстытæ æрбæстон кæныныл æмæ инновацион идейæты райрæзтыл зонад-иртасæн гранттæй, æрвылаз дæр æххæст цæудзæн дефицитон зонæты рабæрæг кæнын, муниципалон хъуагдзинæдтæ хынцгæйæ. Афтæ дæр адарддæр уыдзæн 2026-2027 ахуыры аз», -расидтис Каха Къаладзе.

Йæ ныхасмæ гæсгæ, муниципалитеты мэри алы семестры финанс кæны социалонæй æнæхъахъхъæд студенттæн, бирæсывæллонджын бинонты уæнгтæн æмæ инвалидтæн ахуыры фиддонтæ.

«Студентты ахуыры фиддонты финанскæныны программæйы» фæлгæтты, ацы аз финансирдзинад райстой 1280 социалонæй æнæхъахъхъæд студент, бирæсывæллонджын бинонты 500-йæ фылдæр уæнг æмæ 50-йы бæрц инвалидтæ. Уымæй дарддæр ма, хорзыл нымайæм ацы æрдæм ахуырады, зонады æмæ фæсивæды министрады инициргонд реформæ, кæцы йæ ​​зæрдыл дары паддзахадон уæлдæр ахуыргæнæндæтты ахуыры фиддонты æххæст финанскæнынад. Уырны нæ, цæмæй ацы ивд нысаниуæгджынæй фæбæрзонддæр кæндзæн уæлдæр ахуырады æнцонвадатдзинад æмæ гъæд» – банысан кодта Тбилисы мэр.