Уазал æмæ рæстæгæй-рæстæгмæ къæвдаджын боныгъæд Гуырдзыстоны 18-æм январы онг аххæсдзæн – уый фæдыл информаци алфæмблайы националон агентад хъусын кæны.

Синоптикты информацийæ, Тбилисы 15-16 январы уыдзæн уазал æмæ фылдæр хус боныхъæд, 17 январы та æнхъæлмæкæсинаг у ихуард, æхсæвы уæлдæфы температурæ уыдзæн -3, -5 градус, боныгон та +2, +4 градус.

Сæ ныхасмæ гæсгæ, къæвдаджын боныгъæд æнхъæлмæкæсинаг у былгæрон регионты (Батум, Кобулеты, Анаклиайы, Поты). Уæлдæфы температурæ æхсæвы уыдзæн +1, +3 градусы, боныгон та +5, +7 градусы.

Къахеты (Сагареджо, Телави, Гурджаани, Сигънагъи, Лагодехи, Хъварели, Ахмета, Дедоплисцъхъаро) иуæй-иу рæтты ихуард у æнхъæлмæкæсинаг. Уæлдæфы температурæ æхсæвы уыдзæн -5, -7 градусы, боныгон та +2, +4 градусы.

“Скæсæн Гуырдзыстоны хæххон районты (Ахалкалаки, Цъалка, Бакуриани, Гудаури, Омало) иуæй-иу рæтты æнхъæлмæкæсинаг у митуард æмæ зæйтæ. Уæлдæфы температурæ æхсæвы уыдзæн -18, -20 градусы, боныгон -6, -8 градусы”, — дзырдæуы алфæмблайы националон агентады хъусинаджы.