Алфæмблайы националон агентады информацийæ, æввахс бонты Гуырдзыстоны æнхъæлмæкæсинаг у æвæрццагæй уазал æмæ рæстæгæй-рæстæгмæ къæвдаджын боныгъæд, иуæй-иу рæтты гæнæн ис æрцæуа ихуард æмæ тыхджын дымгæ.

Синоптикты информацийæ, Тбилисы 19-æм æмæ 21-æм майы æнхъæлмæкæсинаг у цыбыр æмгъуыдмæ арвнæрдтимæ, 20-æм майы та къæвдатæ нæ уыдзæн. Уæлдæфы температурæ боныгон уыдзæн +20, +22 градусы.

«Денджызы былгæрон регионты (Батум, Кобулеты, Анаклиайы, Поты): Æнхъæлмæкæсинаг у цыбыр къæвдатæ æмæ арвнæрд. Уæлдæфы температурæ боны дæргъы уыдзæн +18, +20 градусы.

Къахеты (Сагареджо, Телави, Гурджаани, Сигънагъи, Лагодехи, Кварели, Ахмета, Дедоплисцъхъаро): æнхъæлмæкæсинаг у цыбыр къæвда æмæ арвнæрд. Уæлдæфы температурæ боныгон уыдзæн +21, +23 градусы.

Скæсæн Гуырдзыстоны хæххон районты (Ахалкалаки, Цъалка, Бакуриани, Гудаури, Омало): Æнхъæлмæкæсинаг у цыбыр къæвда. Уæлдæфы температурæ боны мидæг +11, +13 градусы уыдзæн» – ис фыст алфæмблайы националон агентады расидæны.