Стыр Британийы  ног  премьер-министр Борис Джонсон   министрты кабинет  скомплект кодта.

Ног министрты  кабинеты æлхынцъон бынæттæ ахсынц Евроцæдисæй Британийы  рахицæны фарсхæцджытæ.

Æмтгæй райсгæйæ Тереза Мэйы министрты  кабинетæй   17 министр сæ  куыст бынæттæй  суæгъд сты, сæй иуæй-иуты ссæрибар кодтой,  иннæтæ  сæхи фæндæй  систой  сæхи куыстæй.

Раздæры мидхъуыддæгты министр  Саджид  Джавиди ссис  канцлерæй, куæцы у  иуæй-иу сеппæтæй  нысаниуæгджындæр  пост министрты кабинеты.

Притти Пател, кæцы 2017 азы  æхсæнадæмон  рæзынады  министры   пост  израилаг  бæрзонд гæстимæ сусæг   фембæлды тыххæй  ныууагъдта, мидхъуыддæгты  министрæй  снысан ис.

Фæсарæн хъуыддæгты министрæй  суыдзæн  Доминик Рааб – раздæры министр Брекситы фарстаты, кæцы йæ  пост ныууагъдта  Тереза Мэйимæ хъуыдыты  хъауджыдæрдзинады тыххæй.

Брекситы  фарстаты министр Стивен  Баркли та йæ  постыл баззайдзæн.

Хъахъхъæнынады министры  постыл  Пени  Мордаунты раздæры æфсæддон  æмæ   Борис Джонсоны рагон  æмцæдисон  Бен Оулес  фæивдзæн.

Ног министрты  кабинеты  28%  сылгоймæгтæ  сты. Кабинеты фыццаг рабадт абон ацæудзæн.