Керчы æрдæгсакъадахмæ Украинæйы бабырсты фæстиуæгæн фæмардуæвджыты тыххæй хъусын кæнынц. Сæ ныхæстæм гæсгæ, дроны бабырсты фæстиуæг цыппар адæймаг фæмард æмæ 28 та фæцæф сты.

Украинаг æрмæгæй раздæр дæр хъусын кодтой масштабон бырсты тыххæй Керчы донбылгæрон районы. Украинæйы бæрнондæр бабырст нырма официалонæй нæ сбæлвырд кодта.

Краснодары крайы оперативон штабы фехъусын кодтой, дронтæ кæй æрбабырстой паром “Панагия”-мæ Темрюкы районы Керчы паромты ахизæны цур. Развæлгъау информацийæ, иу адæймаг фæмард, ноджы иу та фæцæф ис. Уымæй уæлдай ма зынгсирвæзт æрцыд поселок Чушкийы нефты терминалы дæр.

Украинаг  æрбадæттæгтæм гæсгæ,   Керчы  масштабон бабырсты  нысæнттæ, гæнæн ис æмæ Керчы  денджызон порт æмæ æртаджы терминал  уыдысты. Сæ ныхæстæм гæсгæ, бынатыл æрцыд стыр зынгсирвæзт.

Уымæй дарддæр ма ис информаци, зæгъгæ, Хъырымы урæд æрцыд æртаг уæй кæнын, уый нымæцы талонтимæ дæр.

Уæрæсейы оккупацигонд Хъырымы хицауад хъусын кæны, цæмæй «æрдæгсакъадахыл æнæаргъ æртаг уæй кæнын æрурæдтой æмæ æртаг лæвæрд æрцæудзæн æрмæстдæр паддзахадон лæггæдтæн».

Уæ информацийæн, Хъырымы æртаджы уæй кæныны арæнæвæрдтæ тыхы сты майы кæронæй. Уымæн сæйраг аххосаг у автомагистраль «Новороссия»-йыл змæлды къуылымпыдзинад, кæцымæ украинæгтæ регуляронæй бырсынц дронтæй. Майы кæронæй фæстæмæ Севастополы бензин уæй кæнын райдыдтой талонтæй, æмæ иу адæймагæн йæ бон нæ уыд 20 литрæй фылдæр балхæнын.