Æхсæнадон хъахъхъæнæг æркæсы паддзахадон уагдæтты кусæг адæймæгты фæллойадон барты фарстамæ, уыцы нымæцы паддзахадон службæгæнджытæн дæр, æмæ æмбарын кæны, цæмæй паддзахадон службæйы ист цыфæнды кадрон уынаффæ дæр хъуамæ æххæстæй æххæст кæна фæллойадон барты конституцион гарантитæ.

Æхсæнадон хъахъхъæнæджы хъусынгæнинаджы куыд фыст ис, афтæмæй «æмхуызондзинады уагæвæрд хъахъхъæнын у сæйраг нысаниуæгджын æмæ паддзахадон кусæгты куыстæй сисын нæй гæнæн сæ æргомæй æвдыст æмбæстагон позицитæ кæнæ хъуыдытæм гæсгæ».

«2024 азы декабрæй фæстæмæ, æхсæнадон æрмæгæй парахатгонд информацийыл бындурæвæрдæй, Æхсæнадон Хъахъхъæнæджы офис активонæй бадзырдта 41 ссæрибаргонд адæймагимæ æмæ лæвæрдта деталон информаци хъуыддæгты æркæсыны æмæ Управленимæ курдиат бадæттыны процедурæты фæдыл. ныртæккæ æркæсынц 8 цаумæ, кæцыты æнхъæлмæкæсинаг дискриминаци уыд фæллойадон ахастыты, кæцытæ æдæппæтæй архайынц 15 адæймаджы».

Æхсæнадон хъахъхъæнæг нысан кæны ныхасы сæрибардзинады нысаниуæг æмæ банысан кæны, цæмæй хъуыдтагы æрбæстон кæнынæн æнæмæнгхъæугæ сты уыцы субъектты позицитæ, кæцытæн сæ бартæ хæлд æрцыдысты æмæ сæ къухы цы бæлвырдгæнæнтæ ис, уыдон.

Уæлдæр ранымадмæ гæсгæ, паддзахадон уагдæтты кусджытæм æндæр æмæ æндæр хъуыдыты бындурыл дискриминацион ахаст куы æрцæуа, уæд бадзурут æхсæнадон хъахъхъæнæджы аппаратмæ» – ис фыст æхсæнадон хъахъæнæджы фидиуæны.