Гуырдзыстоны æхсæнадон хъахъæнæг æмæ Централон æвзарæнон къамис, куыд дыууæ хæдбар конституцион институт, иумæйагæй сидынц политикон партитæм, кандидаттæм æмæ æппæт партитæм, кæцытæ æвзæрстыты агъоммæйы процессты баст сты, бахæссой сæ хайбавæрд æмбæлон æвзарæнон уавæры сырæзтæн, кæцы ифтонг кæны рæстадон, сабырадон æмæ æмхуызон æвзæрстытæ – уый фæдыл ис фыст Гуырдзыстоны æхсæнадон хъахъхъæнæгы расидæны.

Æхсæнадон хъахъæнæгы расидæны куыд банысангонд у афтæмæй, æвзарæнон процессы баст адæймæгты ныхмæ сæрмагонд бырстытæ æмæ дискриминацийы разæнгард кæнын комкоммæ лæмæгъдæр кæнынц æвзарæнон уавæр æмæ зиан хæссынц æхсæнадон æууæнкдзинадæн.

Æхсæнадон хъахъæнæгы расидæны куыд банысангонд у, афтæмæй политикон партиты лидертæн/минæвæрттæн, æмбæлон кандидаттæн æмæ сæ фарсылхæцджытæн, афтæ дæр политикон бæрнонтæн æнæмæнгхъæугæ у, цæмæй равдисой бæрзонд политикон æмæ æмбæстагон бæрндзинад æмæ ахъаз кæной плюралистон æвзарæнон кампанийы ауадзынæн тыхмидзинад æмæ æнæуынондзинады ныхасæй сæрибар.

«Демокративон аргъдзинæдтыл ориентиргонд политикон культурæйы сырæзтæн нысаниуæгджын у, цæмæй кандидатты æвзарæнон кампанитæ здæхт уой хъуыддагон, æвзарæнон программæйыл ориентиргонд дискуссийы æрдæм, кæцы ахъаз уыдзæн рæстадон æмæ æмхуызон уавæрты конкуренци ауадзынæн.

Æнæуынондзинады ныхасы превенци æмæ йын æмбæлон дзуапп дæттын æнæмæнгхъæугæ у æвзарæнон æнæфæцудгæдзинад æмæ æнæниз æвзарæнон уавæр бахъахъхъæнынæн. Уый та у рæстаг æмæ конструктивон политикон дискуссийы ауадзыны æмæ адæймаджы барты хъахъхъæды гаранти» – ис фыст Æхсæнадон Хъахъхъæнæджы расидæны.