Երազում եմ ևս մեկ գոլի մասին Անգլիայի հավաքականի դարպասներում, այս անգամ աջ ձեռքով. Մարադոնա
Արգենտինայի ազգային հավաքականի լեգենդ Դիեգո Մարադոնան պատասխանել է այն հարցին, թե ինչպիսի նվեր է ցանկանում ստանալ իր 60-ամյակին:
«Երազում եմ ևս մեկ գոլի մասին Անգլիայի հավաքականի դարպասներում, այս անգամ աջ ձեռքով»,- պատասխանել է Մարադոնան: Նրա խոսքերը մեջբերում է ESPN-ը:
Աշխարհի 1986 թվականի առաջնության քառորդ եզրափակիչում Անգլիայի հավաքականի դեմ Մարադոնան գոլ է խփել ձախ ձեռքով և բացել հաշիվը: Կանոնների խախտումը մրցավարի կողմից աննկատ մնաց: Լեգենդար գոլը նույնիսկ ստացավ անուն ՝ «Աստծո ձեռքը»:
Բացի այդ, Մարադոնան իր կարծիքն է հայտնել ժամանակակից համաշխարհային ֆուտբոլի գլխավոր աստղերի `Լիոնել Մեսսիի ու Կրիշտիանու Ռոնալդուի մասին:
«Մեսսի ու Կրիշտիանու, Կրիշտիանու և Մեսսի: Ինձ համար այս երկուսը մեկ գլուխ բարձր են մնացածից: Ես չեմ տեսնում մեկին, ով կարող է մոտենալ նրանց: Ոչ ոք չի կարող հասնել նրանց արածի կեսին»,- ասել է Մարադոնան:
Լիոնել Մեսսին նվաճել է վեց «ոսկե գնդակ», Ռոնալդուն ՝ հինգ: