Մենք հարմարվեցինք այս իրավիճակին, վերադասավորեցինք ալիքը, ռիսկային տարբեր խմբերում ընդգրկված մարդկանց ժամանակավորապես ազատեցինք աշխատանքից, անցանք աշխատանքի հեռակա ռեժիմի, սակայն այս ալիքը ցանկացած իրավիճակում կշարունակի իր աշխատանքը, մենք դրան պատրաստ ենք,- այս մասին հայտարարել է Վրաստանի Առաջին ալիքի գլխավոր տնօրեն Վասիլ Մաղլափերիձեն:

Ինչպես հայտարարել է Մաղլափերիձեն, բնակչությունը Վրաստանի Առաջին ալիքից մշտապես կստանա վերստուգված և պրոֆեսիոնալ տեղեկություն:

«Մենք ժողովրդին տեղեկություն կփոխանցենք ինչպես հեռուստատեսությամբ, այնպես էլ՝ ռադիոյով, յուրաքանչյուր ժամը երկու անգամ և նաև 1tv.ge կայքէջում, ինչպես նաև Մարի Մալազոնիայի հաղորդումը եթեր կհեռարձակվի ամեն երեկո՝ 20:00-ին և առավոտյան 11:00-ին կլինի կրկնությունը:

Բացի այդ, իրավիճակին հարմարեցրել և ժամանակավորապես դադարեցրել ենք մեծ լսարան և հյուրեր ունեցող հաղորդումները, որպեսզի պաշտպանված լինեն ինչպես հյուրերը, այնպես էլ՝ հանրությունը և մենք, քանի որ ալիքը պետք է աշխատի մշտական ռեժիմում: Ծնողներին խոստանում ենք, որ չվախենան հեռուստացույցի դիմաց թողնել երեխաներին, եթեր կհեռարձակվեն մուլտֆիլմներ, ֆիլմեր:

Մեր բոլոր հարթակները պատրաստ են, որպեսզի աշխարհում տեղի ունեցող ցանկացած իրադարձություն լուսաբանենք: Մենք գործում ենք միջազգային հանձնարարականներով»,- հայտարարել է Վասիլ Մաղլափերիձեն: