Մայրաքաղաքի քաղաքապետարանը, հասարակական առողջապահության անվտանգության նպատակով և երկրում գոյություն ունեցող համավարակաբանական իրավիճակը նախատեսելով, համավարակաբանների և համակարգող խորհրդի հանձնարարականներով, Թբիլիսիի մետրոպոլիտենում իրականացվելու են հատուկ միջոցառումներ,- այս մասին ասվում է Թբիլիսիի քաղաքապետարանի հայտարարության մեջ:

Նրանց խոսքով, գերբեռնված մետրոկայարանների մուտքերում, գագաթնակետային ժամերին, ուղևորների հոսքի վերահսկումը կիրականացվի հերթերի կառավարման միջոցով:

«Այս փուլում նշված միջոցառումները նախատեսվում են իրականացնել՝ «Վարկեթիլի», «Ախմետելի թատրոն»,«Դիդուբե» և «Կայարանի հրապարակ» մետրոկայարաններում: Մետրոպոլիտենի աշխատակիցներն անընդհատ կհսկեն ուղևորահոսքը: Երբ հոսքը կլինի կրիտիկական և վարակի տարածման տեսանկյունից վտանգ կստեղծի, մետրոկայարանների մուտքերի մոտ հերթի կառավարման միջոցով տեղի կունենա մարդկանց մուտք գործելու սահմանափակում: Մենք բնակչությանը կոչ ենք անում հոգ տանել միմյանց, հոգ տանել սեփական առողջության մասին և խստորեն հետևել Վրաստանի կառավարության կողմից ներկայացված հանձնարարականները»,- ասվում է քաղաքապետարանի հայտարարության մեջ: