«Օմիկրոնը» թույլ է ընթանում, բայց վտանգը դեռ մեծ է, 50-ն անց քաղաքացիներին վճարում ենք 200 լարի հավելավճար, ցանկանում ենք այս գործընթացը ավելի ընդլայնել. Իրակլի Ղարիբաշվիլի
«Օմիկրոնը» թույլ է ընթանում, բայց վտանգը դեռ մեծ է, 50-ն անց քաղաքացիներին վճարում ենք 200 լարի հավելավճար, ցանկանում ենք այս գործընթացը ավելի ընդլայնել. Իրակլի Ղարիբաշվիլի

Չնայած նրան, որ լսում ենք բժիշկներին ու գիտնականներին, «Օմիկրոնը» բավականին թույլ է ընթանում, ռիսկը դեռ բարձր է հատկապես տարեցների և խրոնիկական հիվանդություններ ունեցողների համար։ Ուստի անհրաժեշտ է ավելի շատ կենտրոնանալ այդ խմբերի վրա և խրախուսական արշավներ անցկացնել 50 տարեկանից բարձր անձանց համար, վճարել 200 լարի հավելավճար և կիրառել բոլոր պատվաստանյութերը,- այս մասին կառավարության այսօրվա նիստում հայտարարել է Վրաստանի վարչապետ Իրակլի Ղարիբաշվիլին։

Կառավարության ղեկավարի խոսքով, այս շաբաթ ավելանում են կովիդով վարակման նոր դեպքերը, երկրի համապատասխան հատվածները զգոնության մեջ են, ինտենսիվ մշտադիտարկվում են համավարակաբանական պարամետրերը և դրանց շարունակական վերլուծությունը։

«Վերջին օրերի թեստավորումը ցույց է տվել վարակվածների օրական բավականին բարձր թիվ, սակայն մահացության մակարդակը կազմում է 1,4%, ինչը բավականին ցածր է, և նվազման միտումը շարունակվում է։ Հատկանշական է, որ մինչ այժմ, չնայած նոր դեպքերի աճող դինամիկային, դա դեռ չի արտացոլվել հիվանդանոցային ոլորտի վրա և ճնշումը հիմնականում լաբորատոր և առաջնային բուժօգնության, ամբուլատոր ցանցի մակարդակով է։ Մենք հետևում ենք գործընթացին: Օգտվելով առիթից ուզում եմ բնակչությանը ևս մեկ անգամ կոչ անել ներգրավվել պատվաստումների գործընթացում։ Պարոն Զուրաբ Ազարաշվիլիի հետ զրուցել ենք, և մենք ցանկանում ենք ընդլայնել պատվաստումները։ Ընդհանուր առմամբ, մենք ցանկանում ենք պատվաստումները սկսել ավելի ակտիվ և ինտենսիվ մարզերում և գյուղերում։ Բնակչությանը հիշեցնեմ, որ առաջին անգամ՝ 50 տարեկանից բարձր, քաղաքացիներին վճարում ենք 200 լարի խրախուսական հավելավճար։ Մենք ցանկանում ենք ընդլայնել այս գործընթացը և պատվաստումները ակտիվացնել գյուղերում։ Չնայած այն ամենին, ինչ մենք լսում ենք բժիշկներից և գիտնականներից, «Օմիկրոնը» բավականին թույլ է ընթանում, սակայն վտանգը դեռևս մեծ է հատկապես տարեցների և քրոնիկ հիվանդություններ ունեցողների համար, ուստի անհրաժեշտ է ավելի շատ կենտրոնանալ այս խմբերի վրա և խրախուսական արշավներ իրականացնել: Պետք է վճարենք 200 լարի հավելավճար և օգտագործվեն բոլոր այն պատվաստանյութերը, որոնք այսօր կան»,- ասել է վարչապետը։