Թբիլիսիի ինֆեկցիոն հիվանդանոցի բժշկական տնօրեն, Մարինա Էզուգբաիայի խոսքով, Վրաստանում գրանցված կորոնավիրի հինգ նոր դեպքի վարակման աղբյուրը հայտնի է:

Նրա խոսքով, հիվանդները գտնվում էին կարանտային գոտիներում:

«Երեկ առավոտյան մենք ունեինք հաստատված 647 դեպք: Ավելացել է ընդամենը հինգ դեպք և ընդհանուր առմամբ հաստատված դեպքերի քանակը հասել է 652-ի: Առողջացած էր 372 մարդ և դրանց ավելացել են ևս 11-ը, համապատասխանաբար կորոնավիրուսից բուժվել է 383 քաղաքացի:

Այս նոր վարակվածների վարակման աղբյուրը հայտնի է: Նրանք գտնվում էին կարանտինային գոտիներում, որտեղից և տեղափոխվել են տարբեր հիվանդանոցներ: Այս վարակվածներից ոչ մեկը ինֆեքցիոն հիվանդանոց չի տեղափոխվել»,- ասել է Էզուգբաիան:

Նրա խոսքով, Թբիլիսիի ինֆեկցիոն հիվանդանոցում այս պահին բուժվում է կորոնավիրուսով վարակված 33 անձ:

«Մեր կենտրոնում իրավիճակը մնում է անփոփոխ, ունենք 33 հաստատված հիվանդ: Մենք այսօր բուժված հիվանդ չունենք»,- ասել է Էզուգբաիան:

Ինչ վերաբերում է հիվանդների վիճակին, ապա Էզուգբաիայի խոսքով, ծանր հիվանդի առողջական վիճակը կայուն է:

«ՈՒնենք մեկ ծանր վիճակում գտնվող հիվանդ, սակայն ինչպես նշել եմ նրա վիճակը կայուն է, սակայն դեռ.ս կանխատեսումներ անելն անհնար է: Ծանր հիվանդներ այլևս չունենք: Հիմնականում հիվանդների վիճակը միջին ծանրության են»,- ասել է Էզուգբաիան:

Հարցին, արդյոք ծանր հիվանդի նկատմամբ օգտագործել են պլազմային մեթոդը, Էզուգբաիան պատասխանել է:

«Այս մասին խոսենք միայն այն բանից հետո, երբ մենք կասենք, որ հիվանդը առողջացել է»,- ասել է Էզուգբաիան: