Հիմնական հանձնարարությունը, որը տվել ենք կուսակցական կազմակերպություններին, հետևյալն է, որ  առավելագույնս կենտրոնացնենք ընտրողներին, որպեսզի կայուն հաղթանակ տանենք բոլոր մունիցիպալիտետներում,- այս մասին Սամեգրելո-Զեմո Սվանեթիի տարածաշրջանում գտնվող Վրաստանի վարչապետ Իրակլի Ղարիբաշվիլին, ասել է լրագրողներին:

«Ինչպես գիտեք, երեկ մենք հանդիպումներ սկսեցինք մեր կուսակցության տարածաշրջանային ղեկավարների, մեր ակտիվի հետ: Երեկ Աջարիայում էինք, այսօր արդեն Սամեգրելոյում ենք: Մենք շատ լավ հանդիպում ունեցանք, խոսեցինք առաջիկա ընտրությունների մասին: Ինչպես գիտեք, ընտրությունները տեղի կունենան հոկտեմբերի սկզբին: Հիմնական հանձնարարությունը, որը տեղում տվել ենք կուսակցական կազմակերպություններին, հետևյալն է, որ  առավելագույնս կենտրոնացնենք ընտրողներին, մեր ակտիվիստներին, որպեսզի կայուն հաղթանակ տանենք բոլոր մունիցիպալիտետներում: Սա շատ կարևոր է: Մեր կուսակցության պատրաստակամությունն ու շարժառիթը շատ բարձր է, և ես համոզված եմ, որ մեր կուսակցությունը համոզիչ հաղթանակ կտանի բոլոր մունիցիպալիտետներում», – հայտարարել է Իրակլի Ղարիբաշվիլին: